Home Suceso Ladronnan a horta Nissan Pickup pa bay comete dos diferente robo

Ladronnan a horta Nissan Pickup pa bay comete dos diferente robo

7
0
SHARE
— Nan a comete ladronicia na 7 World Automotive.
- Advertisement -

ORANJESTAD(AAN): E ta algo cu ta pasando ya tur dia rond Aruba.  Hortamento na cualkier lugar y cas!  Hasta clinicanan di animal a bira victima recien di ladronicia.

— Robo tambe na PPG Paints.

Pero awor cos a cambia!  Ladron ta usa vehiculo horta pa comete 1 of mas robo e mesun madruga.

Diamars durante oranan di marduga, anti-socialnan a planea nan acto door di horta prome un Nissan Pickup den area di San Barbola.  Ta trata di un Nissan Pickup blanco cu number A-22257, y asina nan a cuminza cu nan anochi di fechoria.

Prome caso di robo:

Cu e vehiculo aki, nan a core djis un tiki mas yega na un negoshi nobo di verf na Cumana, net pariba di e rotonde di Tarabana.

Ladron a usa herment pa corta e candal, y kibra glas door di manda bloki door di porta.  Di e forma ey ladron a haya acceso pa drenta y haci loke nan kier.  Alarma a bay on mesora.

No obstante e desorden di e alarma, ladron a traha rapido y nan a bay cu e Cash Register, y demas articulonan di balor cu tin den e negoshi.  Tur esaki ladronnan a haci den menos di 5 minuut.  Pasobra ya net 5 minuut despues di e alarma, un patrol di e Security Company a yega.

Di dos caso di robo:

Despues di esey a haya sa cu na 7 World Automotive den un mini-shopping center na Sero Patrishi, ladron a drenta y alarma a activa.

— Destruccion na 7 World Automotive.

   Tabata pasa di 4:00 am cu esaki a pasa.  Na yegada a topa cu e glas dllanti destrui. Cu un bloki a kibra e glas y asina drenta.  Ladron a actua rapido, y a bay cu varios Car-Stereo, security cameras y bateria di auto. Tur cos ta graba!

   E Nissan Pickup blanco longbed A-22257 tambe a wordo usa aki. E Pickup a worde horta na San Barbola 271.

   Polis a haci un buskeda pa e Nissan Pickup aki.  E ladronnan tabata tin cara tapa y handschoen bisti. E chauffeur a keda den e auto mientras e otro dosnan a baha comete ladronicia. Den e negoshi a causa daño na e vitrinanan tambe pa coy e cosnan di balor.

Recien den area di Paradera tin varios caso unda ladron a horta, y ta sigui purba horta pickup.  Si abo ta doño di Pickup, e dianan aki tene cuenta cu esey.

- Advertisement -

DUNA COMENTARIO

Please enter your comment!
Please enter your name here