Home Deporte International Neymar a pone stadion lubida cu Messi no ta riba tereno

Neymar a pone stadion lubida cu Messi no ta riba tereno

46
0
SHARE
- Advertisement -

MADRID: — Si tin duda ainda, tur cos ta indica cu 2017 ta e aña definitivo di Neymar. E delantero brasileño no a cuminza temporada bon pero parce cu el a reserva su mes pa ta den su mihor momento ora ta decisivo y el a convence Luis Enrique esaki tambe cu su wega.

Desde cu aña a cuminza Neymar a acumula numbernan di crack pero mas importante ta e peso cu e equipo Barcelona tin riba dje, apareciendo na momentonan clave.

Tur hende parce ta depende di dje y el a converti den hungador di actuacion estelar den e wega mas importante cu Can Barca tabata tin , e remontada contra SG, locual a haci posibel di soña cu mihor futuro. El a logra cu e golazo di falta y asumi e responsabilidad di pone e ultimo bala cu un centro di precision di ciruhano pa Sergi Romero anota.

E number 11 a acumula 11goal, 10 asistencia for di comienzo di aña (5 goal y 5 asistencia den liga, 2 goal y dos pase di goal den Copa del Rey y dos otro goal y dos asistencia den Champions league prome cu esnan di Unai Emery  na cual el a suma dos goal y un pase di goal logra den e fecha doble di eliminatorionan cu seleccion di Brasil unda e ta doño y señor di seleccion)

E cifranan tin e coloca caba cu e dos hungadornan cu a domina futbol ultimo decada, Messi y Cristiano ( 18 goal di Messi  13 di Cristiano na 2017) pero e ta superior cu asistencia (6 di Messi y 5 di Cristiano)

Prueba di estado di Neymar tabata na Granada. Cu Messi ausente debi na lesion, e brasileño a lidera e equipo for di comienzo te fin. Su salidanan for di banda drechi pa bay centro y facilidad pa sortea e rivalnan y asocia cu su compañeronan a pone tur hende lubida  cu “La Pulga” no tabata riba tereno. Neymar ademas a yega 100 goal den 177 partido, 11 menos cu loke Messi tabata tin mester debutando cu 17 aña di edad.

 

- Advertisement -

DUNA COMENTARIO

Please enter your comment!
Please enter your name here