Home Remitido No comete aborto como cu e ta un crimen abominabel y condenabel...

No comete aborto como cu e ta un crimen abominabel y condenabel pa Dios

25
0
SHARE
- Advertisement -

Remitido

Na esnan cu ta comete aborto y na esnan responsabel y complice di aborto, bosonan no sa cu aborto ta un pika mortal y abominabel den bista di Dios? Boso no sa cu den Bijbel den Exodo 23: 7, Dios Tata ta bisa:”Aleha boso di tur mentira. Lo no mata un inocente y ni un husto, pasobra Mi lo no pordona e culpabel.”

Senjor Hesus ta spierta nos den Bijbel den mateo 5: 21;

“Boso a tende cu ta bisa na nos antepasadonan, lo bo no mata. Esun cu mata lo ta culpabel dilanti di e husticia di Dios.” Tambe e di 5 Mandamento di Dios ta bisa: “Lo bo no mata.”

Aborto ta un pika condenabel, pasobra e ta un crimen na esnan cu ta mata e embrion, pasobra ya Dios a duna e criatura un alma den e barica di e mama. Bida humano mester ser respeta y protegi di un manera absoluto desde di e momento di su concepcion.

Desde e prome momento di su existencia, e ser existente den e barica di e mama, mester tin e derecho inviolabel di biba.

Dios ta Senjor di bida y a confia na e ser humano e mission di conserba e bida. E ta un mision cu mester ser cumpli di un modo digno di hende y e mester proteha e bida cu hopi cuidao desde di su concepcion. P’esey aborto ta un crimen abominabel y condenabel den bista di Dios.

Dios ta bisa: “Prome cu Mi a forma’bo den seno materno, ya Mi a conoce’bo y prome cu bo a nace, ya Mi tabata tin bo consagra, Salmo 22: 10-11. Lo bo no mata e embrion mediante di aborto y lo bo no duna morto na e recien naci. Na esnan conciente cu sa cu lo bay tin un aborto y na esnan cu ta coopera pa e aborto tuma lugar, anto nan tambe ta culpabel di e crimen abominabel aki y di e husticia di Dios cu ta spera nan. E embrion den e bariga di e mama, mester ser trata manera un persona desde di su concepcion. E embrion mester ser defendi den su integridad y e mester ser cuida y atendi medicamente manera tur ser humano.

E embrion den e bariga materno, ya tin un alma spiritual y inmortal. E ser humano ta e criatura cu Dios ta stima desde di su concepcion y e ta destina na e bienaventuranzanan eterna di Dios. E criatura den e barica di su mama, ta participa den e luz di Cristo y den e misterio di e Spirito Divino y pa e rason e ta capaz di comprende su Creador y e tin su libertad pa nace den e imagen Divino.

Dios ta spierta nos den Bijbel, 2 Pedro 3: 17, “Keridonan, boso ta spierta, tene cuidao pa boso no laga nan lastra boso riba e caminda robez di esnan abominabelnan y perde boso firmeza. Bay dilanti den gracia y conocemento di nos Senjor y Salbador Hesu-Cristo, na E’l sea honor awor y den eternidad.”

Boso mester comprende, ta solamente Dios ta Senjor di bida desde di su inicio, te na su morto y no ta hende pa dicidi.

Conseho Cristian, si a sosode cu un mucha muher of un hende muher a sali na estado pa ekibocacion y e no kier e yiu of e famia no kier e yiu, anto pa amor di Dios no haci aborto, laga e yiu nace, anto Dios mes lo laga un famia adoptel’e. Mira cuanto famia Cristian, cu pa amor di Dios ta dispuesto na tuma e baby. Mira tambe cuanto parehanan casa, cu no tin yiu y cu no por haya yiu, cu ta desea di adopta un yiu. Ta duele di mira cuanto aborto ta tuma lugar na mundo y no perde cabes si pa ekibocacion bo a sali na estado y bo no kier e yiu, Dios ta comprende, pero laga e yiu nace y Dios mes lo laga un famia tuma e yiu. Si e mucha muher na estado kier conseho y ayudo, anto e por acerca un persona Cristian of un famia Cristian, cu si sa e balor di bida. Nan por duna bo un bon conseho di Dios y nan por busca un  pareha casa cu no tin yiu, cu ta dispuesto di tuma e yiu y nan por yuda bo pa paga algun gastonan. P’esey no perde cabes y no haci aborto, pa bo no cai den e crimen abominabel aki di e demonio.

 

Cristian Catolico.

- Advertisement -

DUNA COMENTARIO

Please enter your comment!
Please enter your name here