Home General Otmar Oduber a bishita piscadornan di Cura Cabay

Otmar Oduber a bishita piscadornan di Cura Cabay

64
0
SHARE
- Advertisement -

Nan ta hopi contento cu e proyecto di expansion y construccion di facilidadnan na e pier

ORANJESTAD(AAN)– Recientemente Otmar Oduber tabata di bishita na e proyecto di Cura Cabay cu ta uno cu a inicia aña pasa ora e tabata ocupa e posicion di Minister ainda y ta trata di un inversion di mas di 2 miyon Florin.

E proyecto ta encera un expansion di e pier di Cura Cabay cual aproximadamente 4 aña pasa a haya un expansion caba pa por a acomoda mas boto na e pier. Sinembargo, for di 2 aña pasa a tuma e decision cu lo mester bin un expansion grandi y ademas crea diferente facilidadnan pa e piscadornan di Cura Cabay.

E proyecto aki ta wordo financia cu fondonan di FDA y asina aña pasa a cuminsa cu no solamente e expansion mas grandi di e pier, pero tambe un expansion grandi pa loke ta trata henter e infrastructura na e pier di Cura Cabay pa e piscadornan. E parti aki ta encera lugar pa nan por warda nan ekiponan cu nunca nan tabatin, facilidad di bañonan, facilidad di benta di pisca cu por tuma lugar eynan, a drecha henter e infrastructura rond di e pier pa e piscadornan, lugar pa por baha boto di piscadornan. Net na banda, esta e beach di Zeewijk, esaki tambe a haya henter un renobacion y construccion di un kiosko cu infrasructura y mehoracion di beach pa di e forma aki esnan di Zeewijk/Cura Cabay y tur otro local como tambe turista por disfruta di e beach.

Otmar a wordo ricibi calurosamente door di e piscadornan na e proyecto y a combersa na un forma hopi agradabel riba e desaroyo di e trabounan. Nan a bisa cu tin un tardanza di aproximadamente 3 luna riba e proyecto, pero cu nan ta hopi orguyoso y contento cu e oido y atencion cu nan a haya pa awe por wak un proyecto asina bunita den pleno desaroyo.

 

- Advertisement -

DUNA COMENTARIO

Please enter your comment!
Please enter your name here