Home General Pakete di declaracion di Winstbelasting 2016 ta disponible na Departamento di Impuesto

Pakete di declaracion di Winstbelasting 2016 ta disponible na Departamento di Impuesto

37
0
SHARE
- Advertisement -

ORANJESTAD    (AAN):   Tur aña Departamento di Impuesto ta otorga e pakete di winstbelasting y e pakete aki ta contene e formularionan di declaracion preliminario como e definitivo. Den e caso aki e formularionan di aña 2016 ya caba ta disponibel.

Vocero di Departamento di Belasting, Meverly Romano, a duna di conoce cu e clientenan por pasa busca nan pakete na Cumana, na e local banda di unda antes tabata otorga e plachinan di number.

Akinan ta papiando di e clientenan di winstbelasting cu ta esnan cu tin un empresa den forma di un NV, AVV, VBA, un fundacion, entre otro. E empresanan aki ta bin na remarca pa haya nan pakete di declaracion di aña 2016.

Segun Romano, esaki ta un pakete hopi importante pa e cliente busca pa motibo cu e cliente tin cu haci su declaracion anual. Esaki ta encera cu sea e ta entrega un declaracion preliminar of un definitivo. E cliente tin obligacion legal pa yena su declaracion, pone su anexonan hunto cune y entrega esakinan.

Deadline

E fecha final pa entrega e formulario di declaracion ta diabierna 31 di Mei. Na e momentonan aki ta entregando e formularionan. E clientenan tin dos luna pa por yena y entrega nan declaracion. Mester tene cuenta cu e deadline.

Ley ta bisa cu e cliente tin cu entrega su declaracion definitivo. Si e no logra esey, e por scoge pa entrega e declaracion preliminar cu ta bay habri e caminda pa e haya e prolongacion di termino di 6 luna, Romano a señala.

Unicamente door di entrega e declaracion preliminar e mester haci e pago corespondiente tambe. Cumpliendo cu e dos rekisitonan ey, e ora e cliente ta haya automaticamente 6 luna mas di tempo pa e por caba di prepara su declaracion definitivo. E deadline pa entrega e declaracion definitivo ta 30 di November 2017.

Winstbelasting e sistema a cambia y esey ta encera cu e clientenan tin cierto deadlinenan pa cumpli cu nan y ta hopi importante aworaki pa e cliente pasa na Departamento di Belasting y busca e pakete di declaracion concerni y pa despues cumpli cu e yenamento y entrega di e declaracion, Meverly Romano a remarca.

 

 

 

 

- Advertisement -

DUNA COMENTARIO

Please enter your comment!
Please enter your name here