Home Politica Parlamentario Clarisca Velasquez, Nos fondonan di pensioen ta stabil pa decadanan cu...

Parlamentario Clarisca Velasquez, Nos fondonan di pensioen ta stabil pa decadanan cu ta bin

35
0
SHARE
- Advertisement -

ORANJESTAD(AAN)—Segun parlamentario di AVP Sra.Clarisca Velasquez, “nos gobierno a tuma su responsabilidad na serio y a cumpli cu su trabao di salba e fondonan di pensioen. Hopi gobierno a deja di haci esaki y a laga e batata cayente aki pa otro gobierno.

Hasta e lider di MEP cu na aña 2002 tabata trahando como profesional na belasting a conseha su mes gobierno cu mester hisa e edad di pensioen. Awe kier haci politikeria cu e tema aki. 

E reformanan structural cu gobierno a bin ta haci cu e fondonan AOV, APFA y AZV a haci cu awe  e fondonan aki ta stabil y sostenibel pa añanan cu ta bin. For di aña 2010 a aproba leynan pa haci e reformanan aki posibel. Awe nos ta orguyoso di nos fondonan y hasta IMF a felicita gobierno pa e ehercisionan haci pa e fondonan. Si nos wak nos hermana islanan nan ta confronta cu problemanan grandi cu nan fondonan di pensioen. Na Corsou a hisa nan edad di pensioen di biaha na 65 aña. Y si bo kier bay pensioen prome bo ta haya menos placa na pensioen. Na Bonaire tambe tin problema cu kier reduci pensioen di grandinan cu 3% e aña aki y otro aña cu 12%. Esaki ta nifica cu e pensionadonan ta bay haya cobra menos placa na pensioen. E problemanan aki nos no tin na Aruba pasobra gobierno aki a salba e fondonan di pensioen y AZV. Nos fondo ta stabil y sostenibel pa decadanan cu ta bin y esaki ta danki na curashi cu e gobierno a tuma for di aña 2010 trahando riba reformanan pa medio di leynan pa haci esaki posibel.

 

- Advertisement -

DUNA COMENTARIO

Please enter your comment!
Please enter your name here