ORANJESTAD(AAN): Durante reunion publico riba criminalidad, Parlamentario Melvin Tromp a mustra cifranan oficial formula door di Cuerpo Policial Aruba riba criminalidad, cu ta confirma con bou di Gobierno di AVP, criminalidad a keda reduci cu casi 50% compara cu e periodo cu partido MEP tabata den Gobierno. E tabel di dicho cifranan cu nan respectivo añanan ta papia pa su mes, asina mes cu ex-minister di husticia di MEP,a sa di manipula cu esakinan pa e mustra menos e periodo ey.
Sr. Melvin Tromp a splica cu papiando cu varios miembro di Cuerpo Policial Aruba, su pesona a bin compronde, cu entre 2001 y 2009, polis no taBata tin mag di regsitra atraco cometi cu cuchio, machete of otro tipo di arma blanco como atraco. Segun e parlamentario cu e informacion cu el a ricibi y cu su persona a confirma ta splica, cu e ordo aki a bin for di ex-minister di husticia pa MEP, esta sr. Rudy Croes. Ta apenas desde 2010 cu Cuerpo Policial a cuminsa registra atraco cu arma blanco atrobe pasobra Minister Dowers no ta kere cu purba na manipula cifras ta lo corecto pa haci.
E parlamentario a sigui splica cu e ta mas cu logico, cu si desde 2010 criminalidad a reduci na mas o menos 50% y cu despues di esey tin un aumento, cu nos lo sinti esaki sin duda algun.Pero cu no mester lubida cu asina mes cu a conoce un aumento, e cifranan total ta hopi menos cu esun di e periodo di gobierno di MEP, anto asina mes cu e ex-minister di e gabinete ey, a manipula cu e cifranan real.
Desde 2009 Aruba tin un partido transparente na mando y sin duda algun. Cu su minister di husticia integro cu a y ta trahando na bienestar di nos pais como tambe a sa di uni departamentonan hudicial pa nan traha hunto pa di e forma aki reduci criminalidad.
Sr. Melvin Tromp a sigui bisa cu, e minister di Husticia ta asina transparente cu e la sinta cu diferente gremionan pa duna nan tur un presentacion y splicacion amplio, con su ministerio ta combatiendo criminalidad. Cos cu den pasado nunca partido MEP tabata por a hasi. Y no por keda sin remarca e reaccion poitivo di esnan cu a presencia e presentacionnan aki. Caminda cu nan mes ta splica cu awor nan tin un mihor bista di e realidad, esta contrario na e panico cu partidonan opositor manera MEP y POR kier crea den nos comunidad. Segun parlamentario TROMP, cu e propio personanan aki a expresa, cu minister DOWERS mester haci mas di e sesion nan aki pa concientisa e comunidad di e realidad, contrario na e storianan di chabelita (mentira) cu otro partidonan kier pa comunidad kere.
Poco a poco, e velo di mentira ta cayendo, for di tur e fechorianan, no tin otro nomber, pa e actonan criminal, cu esnan na mando, durante e tempo cu MEP tbt na mando, a comete contra e pueblo di Aruba!
Hulanda a demanda y exigi, pa kita Hendrik (Mo Diek) Croes, for di e puesto di minister di husticia, pa via di su vinculonan cu figuranan di mundo di droga, ata aki e link pa un articulo den Diario di dia 20 di October 2014, refrescando Mo Diek su memoria.
http://www.diario.aw/2014/10/hendrik-croes-su-desesperacion-a-pone-un-limite-na-su-memoria/
E colmo tbt, ora cu Hendrik a logra nomina su ruman Rudy Croes, cu es tempo aya tbt yena e funcion di LABORANT, na Landslaboratorium!
Pa di e modo ey, sigui domina e cartera ey di husticia, y nos tur ta corda e FLAMANTE manera con el a desplega e cargo ey!
Tin hopi mas puito den e macuto di e famia Croes, y mi ta sigur cu nan ta documenta y registra den filenan amplio, cu algun dia nan lo yega di sali na claridad, pa pueblo waak, y compronde, den man di ki sorto di hende, nan a entrega nan confiansa!