Home Noticia Internacional Parlamentario opositor Venezolano a wordo herida durante un protesta

Parlamentario opositor Venezolano a wordo herida durante un protesta

14
0
SHARE
- Advertisement -

Parlamentario opositor Venezolano, Juan Requesens a resulta herida ayera durante un protesta di Parlamentarionan den Defensa di Pueblo, cu ta exigi rechaza cu Corte Supremo a asumi funcionnan di Parlamento.

Requesens a sufri un corta profundo riba su ceha banda robez, cu e mester a wordo someti na un cirugia chikito.

Primero Justicia, partido di legislador cu a organiza e manifestacion, a culpa e atake “colectivo”, di gruponan simpatizante di gobierno, cu oposicion a acusa di ta arma.

Diputadonan opositor a exigi Defensor di Pueblo, Tarek William Saab, apoya nan propuesta di retira hueznan di Corte Supremo di Husticia (TSJ) cu siman pasa a emiti dos sentencia asumiendo funcionnan di Parlamento -di mayoria opositor- y a elimina inmunidad di parlamentarionan.

E parlamentarionan a pidi condena e veredictonan pa representa un “ruptura di hilo constitucional”, manera Fiscal General, Luisa Ortega a denuncia, kende ta afilia na chavismo, prome cu e decisionnan a wordo elimina parcialmente riba diasabra.

Pero e Defensor a bisa cu no tabata tin ningun “ruptura”.

Oposicion a convoca un marcha awe den centro di Caracas -na unda normalmente gobierno no ta permiti protestanan di nan adversarionan- pa cuminsa proceso di retiro di hueznan, cu ta rekeri aprobacion di e Defensor, fiscal y otro funcionarionan, tur aliado di chavismo.

- Advertisement -

DUNA COMENTARIO

Please enter your comment!
Please enter your name here