Home Turismo Playa Linda Beach Resort a organiza atrobe su Siman Berde

Playa Linda Beach Resort a organiza atrobe su Siman Berde

17
0
SHARE
- Advertisement -

ORANJESTAD(AAN)— Metanan pa un futuro sano pa Playa Linda Beach Resort como tambe pa su empleadonan, un biaha mas a haya e enfasis durante di Siman Berde. Pa e di 11 aña consecutivo, e resort a organisa su anual programa di un siman largo di actividad y charla cu intencion di envolvi y educa tocante di e miho practicanan pa mehoracion den bida real.  Participacion tabata excepcionalmente halto den eventonan activo di Caminata Berde y “Clean-a-mile” como tambe asistencia na un variedad di lectura durante di henter e siman.

E “Green Week” di e aña aki a vislumbra informacion importante for di Olinda Rasmijn, dunando conseho con pa detoxifica, City Inspector Marlon Pieters papiando riba issuenan ambiental, incluso dumpnan illegal y beneficionan di un Aruba limpi, Melva Yanez, di Aruba Alzheimer Foundation, presentando informacion tocante di e malesa, for di deteccion te cu cuido di un pacient di Alzheimer, y Asuntonan Social su Enid de Kort, papiando tocante di e importancia di hiba un bida emocionalmente balansa. E diversidad di topico ta resalta e resort su dedicacion na practicanan ecologico como tambe con pa apodera perspectiva mas sano pa futuro pa individuonan.

Playa Linda tin un historia largo di busca manera mas miho pa crea ambiente sano pa su huespednan como tambe pa su empleadonan.  E resort di tempran caba a busca certificacion ambiental y tabata e prome hotel na Palm Beach pa implementa ISO-14001 continuamente di acuerdo cu normanan di maneho ambiental di mas halto. Tras di e esfuersonan aki di e balente miembronan di Team Berde, cu representacion di diferente departamento, incluso Milda Ras di Recurso Humano, Maureen Wong di Accounting, Clemente Lampe di Grounds y Astrid Cocks di Actividad, y guia door di Housekeeping Assistant Manager Nigaima ‘Nigi’ Ascencion.

Nigi a hiba palabra un biaha mas na e Green Week di e aña aki y a enfatisa e metanan central tras di e esfuerso di ekipo aki, den busca un manera holistico cu ta bay mas leu di accion di limpiesa y esfuerso di reciclahe y ta busca pa mustra con intra-relaciona nos ta cu otro y tambe cu nos medio ambiente. “Nos tin e poder pa crea un ambiente mas sano y sostenibel pa nos mes pa metanan di termino largo. E inversion den esfuersonan y actitudnan ambiental ta bolbe pa nos, multiplica dies biaha,” asina e ta splica.

Na e conclusion di Playa Linda su Green Week, Nigi a expresa su satisfaccion. “Nos tabata tin hopi bon participacion y excelente feedback. E ta extremadamente satisfactorio pa tende loke nan a siña aki, y loke nan ta hiba cas y tambe siña na nan yiunan. Nos ta cambiando estilonan di bida, logrando cosnan door di haci nan diferente y haci un diferencia. Nos esfuersonan ta paga bek. E ta funciona!,” Nigi ta exclama cu orguyo.

- Advertisement -

DUNA COMENTARIO

Please enter your comment!
Please enter your name here