Home Noticia Internacional Polis frances a detene dos miembro di IS cu kier a...

Polis frances a detene dos miembro di IS cu kier a asesina un candidato

39
0
SHARE
- Advertisement -

PARIS—- E reunion di campaña di François Fillon, Bierna Santo, na Montpellier, tabata vigila pa francotiradornan di polis. Un compania di agentenan di operacionnan special tabata cla pa interveni.

A conseha Fillon pa bisti un chaleco anti bala pero e candidato conservador a nenga esaki.

Motibo di e precausionnan tabata cu ministerio di interior tabata teme un atentado contra e candidato di parti di dos homber, Mahiedine M. y Clement B. , intensamente busca for di december. Nan a keda deteni ayera na Marseille.

Segun fiscal anti-terorista di Paris, François Molins, e detenidonan di nacionalidad frances a afilia na IS, via un conexion chechena y tabata prepara un accion violento contra e campaña electoral.

Ademas di Fillon cu ta specialmente vulnerable diabierna pasobra e tabata na Marseille, unda e dos islamistanan a yega separa fin di maart, a keda adverti tambe
Emmanuel Macron, Marine Le Pen y Benoit Hamon. Equiponan di seguridad di tur di nan a ricibi ademas foto di e dos presunto teroristanan.

Mahiedine M. y Clément B. a conoce otro den prison di Sequedin, noord di Francia unda tur dos tabata cumpli condena pa delitonan relaciona cu robo y trafico di droga. Mahiedine M. di 30 aña di edad y di religion musulman a radicaliza den curso di un aña di proceso. Clement B di 24 aña di edad a converti na islam y radicaliza den algun luna di aña 2016.

Durante un razzia na cas di Mahiedine M. na Roubaix noord di Francia, polis a haya na december material yihadista, pero e mes no a wordo haya.

For di e momento ey a cuminza busk’e y esaki a keda reforza ora cu Mahiedine a manda un carta desafiante y su documentacion pa un comisario di polis, cual carta a termina pidiendo pa lagu’e na paz.

Dia 12 di abril,  polis a intercepta un vídeo cu Mahiedine y su socio a trata na manda pa un adres electronico relaciona cu I.S. Den e video nan ta hura fidelidad na e organizacion yihadista bao di un bandera preto  y nan tabata mustra kaft di e corant le monde cu foto di François Filon hunto cu e frase “Ley di Talion” traha cu cartucho di bala.

- Advertisement -

DUNA COMENTARIO

Please enter your comment!
Please enter your name here