Home Comentario Politica ta un ciencia. Como tal e no ta vies ni sushi

Politica ta un ciencia. Como tal e no ta vies ni sushi

16
0
SHARE
- Advertisement -

Comentario:

Pa Mercedes Monge

Den e dianan aki mi por a scucha diferente persona expresa cu “politica ta vies, ta sushi”, debi cu nos ta den aña di eleccion y cu tin cierto desaroyonan cu ta desalenta mas di un persona den nos comunidad, cu hasta ta duna señal cu e aña aki, nan lo no bay vota.

Politica ta un ciencia. Pesey e no por ta sushi ni vies. E palabra mes “Politica” busca den e diccionario tin diferente uso.

Como ciencia tin un profesion universitario cu yama “Ciencianan Politico” y esnan cu ta gradua den dje ta “Politologo”. No tur politologo ta eherce politica den un organizacion politico pa bay eleccion, pero varios di nan si ta bira Asesor Politico, despues di un trayectoria den un of mas partido politico cu nan por a coordina, aconseha, guia, etc.

Politica ta un parti di e actividad humano. Nos bida diario, locual nos ta haci, con nos ta actua, con nos ta papia, ki tipo di lenguahe nos ta uza, tur esaki ta encera un politica. Nos propio filosofia di bida ta un politica. Asina mes tin diferente ehercicio di politica: politica di inversion, politica den e maneho social, politica di maneho di un empresa, politica sindical, etc., etc., politica internacional entre e diferente paisnan di e hemisferionan cu tambe ta otro ehemplo.

Ora un hende ta bisa cu politica ta vies of sushi, e no ta expresando su mes corectamente. Den maneho di un gobierno, cu ta den e sentido cu diferente persona ta bisa esey, por papia di “politiconan” cu ta uza nan posicion pa haci cosnan “vies”  por ehemplo debi na corupcion politico. Pero no ta e “politica” como tal, ta e politico riba su mes.

Durante e temporada aki prome cu eleccion nos lo dedica un serie di articulonan educativo, tocante e tema politica, concepto, aplicacionnan y practica di e politica, como un aporte mas bien educativo pero cu ta inclui con e politica ta funciona den un sociedad.

 

- Advertisement -

DUNA COMENTARIO

Please enter your comment!
Please enter your name here