Home General Pontilius: Un CAO traha pa un dunador di trabao su so no...

Pontilius: Un CAO traha pa un dunador di trabao su so no tin validez, no ta legal

43
0
SHARE
- Advertisement -

ORANJESTAD (AAN) – Mediador di Gobierno, señor Anselmo Pontilius, a duna di conoce den entrevista cu Matutino DIARIO, cu pa un Contrato Colectivo tin validez den un empresa, e trahadornan mester ta afilia na un sindicato.

Si esey ta e caso, un doño di trabao no por elabora un contrato colectivo su so. Esaki ta debi cu na Aruba ta existi un ley cu ta data di 30 pa 40 aña pasa, cu ta regla contrato colectivo y ta define hopi claramente, kico ta e procedimento.

Un sindicato, den su estatutonan mester ta autoriza pa negocia un contrato colectivo y e dunador di trabao hunto cu e sindicato por yega na un acuerdo pa un CAO.

Un dunador di trabao por firma cu trahadornan individual acuerdo y condicionnan di trabao igual na tur otro, pero cu no ta di caracter colectivo.

“Pues loke un dunador di trabao a pone su so como contrato colectivo riba mesa, no tin validez di acuerdo cu ley”, Pontilius a subraya.

Un dunador di trabao por acudi na un sindicato of na Oficina di Labor y nan lo splike cu si loke e ta yama un contrato colectivo traha pa su mes, e no tin un caracter legal.

“Si e dunador di trabao cu e trahadornan a yega na un acuerdo riba cierto condicionnan di trabao e por ta un acuerdo cu caracter colectivo pero e no ta un acuerdo colectivo regla den ley y cu tin sosten di ley” Anselmo Pontilius a reitera.

Un contrato colectivo ta un documento publico, Pontilius a acentua. Y ley ta bisa cu tur trahador, sea miembro of no di un sindicato tin cu haya un copia di e CAO cu a wordo firma. Pesey ta hopi importante cu tanto doño di trahador como trahadornan ta na haltura kico ta un contrato colectivo y e memoria di e ley mes ta splica kico por y kico no por.

- Advertisement -

DUNA COMENTARIO

Please enter your comment!
Please enter your name here