Home Noticia Internacional Por lo menos 11 morto den explosion den metro di San Petersburg

Por lo menos 11 morto den explosion den metro di San Petersburg

9
0
SHARE
- Advertisement -

SAN PETERSBURG: Un bom a explota den un metro, den e di dos ciudad mas pobla di Rusia, ocasionando morto di 11 persona y heridando por lo menos otro 40, den un escena caotico.

Horanan despues a bolbe surgi angustia y miedo, despues di polis a descubri y a desactiva un artefacto explosivo yena di fragmento metalico den otro estacion di San Petersburg.

Ningun grupo of individuo a responsable di inmediato e atake, cu a tuma lugar mientras presidente Vladimir Putin tabata bishitando e ciudad, na unda el a nace. Den dos ultimo decada, avion y treinnan Ruso tabata blanco di atake di terorismo, usualmente di parti di extremistanan islamico.

Prensa a señala cu polis inicialmente tabata buscando dos sospechoso, y television estatal Ruso a mustra un potret di un sospechoso cu a bisti un pechi caracteristico di regionnan musulman di Rusia. Pero despues, agencia di noticia Interfax a reporta cu fuentenan anonimo a señala cu polis a sospecha cu tabata trata di un atacante suicida.

Comite Investigador, principal agencia di investigacion criminal di pais, a bisa cu nan a cuminsa un investigacion basa riba sospecho cu ta trata un acto di terorismo, pero el a agrega cu nan ta considerando otro posibilidadnan.

San Petersburg, un importante destino turistico famoso pa nan palacio y museonan di arte, a scapa di registra atentadonan.

“Mi tin miedo di subi un metro”, segun Marina Ilyina, di 30 aña, kende a hiba flornan na estacion na unda e metro a para despues di e explosion. “Nos na San Petersburg tabata pensa cu esaki no lo pasa cu nos”.

E explosion a tuma lugar ora e trein tabata entre dos estacion alrededor di 2:20 di atardi. E chauffeur a dicidi sigui te cu siguiente parada, di Instituto Tecnologico, loke a wordo elogia pa autoridadnan pasobra asina e pasaheronan por a sali y no mester a cana riba vianan electrifica.

Comite Nacional Anti-terorista di Rusia a bisa cu cifra di morto tabata 11 y otro 45 persona tabata den hospital.       Dos hora despues di e atentado, autoridadnan a descubri y desactiva otro bom den otro estacion di trein, riba Plaza Vosstaniya, segun agencia contra-terorismo.

Tur sistema di trein di San Petersburg a wordo cera y evacua, pero servicio a wordo reanuda parcialmente alrededor di seis hora despues.

- Advertisement -

DUNA COMENTARIO

Please enter your comment!
Please enter your name here