Home Noticia Internacional Presidente Erdogan: Turconan na Europa mester desafia “nietonan di nazismo”

Presidente Erdogan: Turconan na Europa mester desafia “nietonan di nazismo”

7
0
SHARE
- Advertisement -

ANKARA: Presidente di Turkia, Tayyip Erdogan, a urgi  votadornan Turco na Europa pa desafia “nietonan di nazismo” y respalda e luna aki un referendum pa cambia constitucion di e pais, den un serie nobo di comentarionan cu posiblemente lo causa rabia continental.

Durante su campaña pa referendum, Erdogan a ataca verbalmente paisnan Europeo, incluyendo Alemania, ya cu e ta acusa nan di practica “tacticanan nazi” pa prohibi nan Ministernan duna discursonan den reunionnan cu votadornan Turco cu ta biba den exterior.

Alemania ya a critica referencianan di nan pasado relaciona cu epoca di Segundo Guera Mundial. Canciyer Angela Merkel a bisa cu e tipo di comentarionan mester stop.

Erdogan tambe a bisa cu si ta necesario e lo inclui den referendum tema di restablece condena di morto na Turkia. Ankara a bandona castigo capital mas di un decada como parti di su peticion pa uni na Union Europeo.

Restablece condena di morto -algo cu hopi a pidi na Turkia despues di golpi di Estado fracasa di dia 15 di Juli- lo termina cu cualkier intento di e pais pa uni na bloke regional, segun funcionarionan di UE.

Erdogan a haci  comentarionan aki durante un evento di campaña na provincia di Rize, na Lama Negro.

- Advertisement -

DUNA COMENTARIO

Please enter your comment!
Please enter your name here