Home General Qredits ta facilita microfianza na Aruba

Qredits ta facilita microfianza na Aruba

15
0
SHARE
- Advertisement -

ORANJESTADAAN)– Qredits a cuminsa opera na Aruba riba 1 di April 2017. Awor ta posibel pa comerciante nobo y existente pidi microfianza te cu Afl. 50,000 via di e website  www.qredits.com

E oficina di Qredits a wordo habri na MFA Noord.

Diamars  atardi a habri e oficina nobo di Qredits hunto cu compania di Minister-President Mike Eman.

Ayera,  Elwin Groenevelt (CEO di Qredits) y Minister – President Mike Eman a firma e contract pa asina Qredits cuminsa opera na Aruba.

E proposito di Qredits ta pa sostene empresarionan door di duna un fianza pa negoshi te cu un valor di Afl. 50,000 y tambe ofrece guia local na empresarionan den nan fase inicial.

Qredits su meta ta pa otorga mas o menos 100 credito cu un promedio di Afl. 30,000 durante aña 2017/2018, guia 200 empresario ora nan cuminsa cu nan compania y ofrece 250 studiante e oportunidad pa asisti un programa di educacion pa empresario “ Ik word EigenBaas”.

E popular e-learning “Ondernemingsplan Schrijven”, a wordo traduci na Ingles, Spaño y Papiamento y lo wordo ofreci na empresarionan via Qredits I Kamer van Koophandel.

Qredits Aruba team lo consisti di dos bedrijfs adviseurs local, cu lo evalua e diferente plan di empresario y aplicacion di credito. Oliver Vieira tin varios aña di experiencia den banco comercial local y empresanan nobo cu a wordo lanta.

Oliver lo tin e posicion di Branch Manager di Qredits Aruba. Qredits lo buska un di dos bedrijfs adviseur.

Desde awe ta posibel pa bishita e website di Qredits via qredits.com. E website ta obtenibel den 4 idioma, cu ta Hulandes, Ingles, Spaño y Papiamento. E peticion pa credito por wordo entrega riba e website y e documentonan necesario por wordo uploaded.

Sr. Elwin Groenevelt, CEO di Qredits: “Cu e establecimento aki na Aruba, nos ta pone e siguiente paso pa duna tur empresario den islanan di Caribe, e oportunidad pa cuminsa cu nan mesun negoshi y asina sigui crece. Despues di Boneiro, Aruba ta un isla ideal caminda nos por mustra cu nos sistema ta exitoso”.

 

- Advertisement -

DUNA COMENTARIO

Please enter your comment!
Please enter your name here