Home Noticia Internacional Reaccionnan relaciona cu e situacion tenso na Venezuela

Reaccionnan relaciona cu e situacion tenso na Venezuela

68
0
SHARE
Activistas de derechos humanos se manifiestan sobre la situación interna en Venezuela en La Haya. Con gorras y chamarras con los colores de la bandera venezolana, algunas personas mostraban pancartas en las que pedían detener la que califican como “dictadura” en la nación sudamericana.“No más represión. No más dictadura”, se leía en uno de los letreros que levantaban afuera de las instalaciones de la Corte Penal Internacional, el principal organismo judicial de las Naciones Unidas, con sede en La Haya, el miércoles 19 de abril de 2017. (AP Foto/Peter Dejong)
- Advertisement -

CARACAS (AP) – For di masha hopi pais y mandatario tabata tin reaccionnan relaciona cu e protestanan convoica pa oposicion y oficialismo na Venezuela mey mey di un situacion tenso politico y social den e pais. Aki ta sigui algun.

==  E presidente argentino Mauricio Macri  a skirbi riba su cuenta Twitter cu e ta lamenta profundamente e mortonan cu a cay na Venezuela y cu no a atende e peticion di e region pa garantiza un dia pacifico. El a reitera atrobe pa paisnan di e region pone presion pa Venezuela convoca eleccion.

== Bao di e consigna “No más dictadura”, un grupo di residente venezolano na Argentina a cende bela durante un vigilia convoca Plaza Vaticano, den  centro di Buenos Aires.  E manifestantenan a expresa nan preocupacion pa familianan cu ta biba na Venezuela y nan a reclama ayudo di comunidad internacional.

==  Comisión Interamericana di Derechos Humanos (CIDH)a  manifiesta nan alarma contra e militarizacion venezolana y e yamada di president Maduro di a arma a 500,000 milicias civiles “para defende paz, soberanía y independencia di e patria”.  CIDH a bias cu: “e inminente despliegue di forza militar y milicianan civiles armada ordena pa Poder Ehecutivo ta representa un amenaza grave di e standardnan riba materia di proteccion di seguridad ciudadano y proteccion di derechonan humano”.

== Presidente Nicolás Maduro a informa cu tin 30 detenido debi na e manifestacionnan y durante un acto publico el a asegura cu e no ta hala atras pa loke el a califica como como un “golpe di Estado terorista”.

== E president panameño Juan Carlos Varela a urgi gobierno di e mandatario Nicolás Maduro y  oposicion pa desisti di demostracionnan di forza den caya y pa buscar un salida negocia di e crisis político, cu respet pa e estado di derecho y bida humano.

== Secretario di Estado americano, Rex Tillerson, a bisa reporteronan: “Ta preocupa nos cu  gobierno di Maduro ta violando su propio constitucion y no ta permita pa voznan di oposición wordo scucha. Sí, e situacion aki ta preocupa nos hopi. Nos ta observa masha di cerca y traha cu otronan, particularmente via  OEA, para comunica e preocupacionnan aki”.

== Durante un sesion ordinario di Consejo Permanente, diOrganizacion di Estadonan Americano, OEA, e viceministro pa Noord America y embajador den la OEA Samuel Moncada di Venezuela a acusa Merca y e secretario general di OEA, Luis Almagro di propicia un golpi di Estado den su país mescos cu diamars  presidente Nicolás Maduro tambbe a haci.

== Secretario general di la Organizacion di Estadonan Americano, Luis Almagro, a bisa cu Venezuela mester wordo mira como un advertencia pa tur otro pais di Latinoamerica.

Almagro a adverti cu e gobierno di Nicolás Maduro ” ta preocupado solamente pa mantene su mes cu poder pa su propio bienestar y total impunidad” y a converti den “e amenaza principal di supervivencia di su ciudadanonan”.

== Activistanan di derechonan humano a manifiestan riba e situación interno na Venezuela na Den Haag, Hulanda. Cu baret  y chaketa cu colornan di bandera venezolano, algun hende a mustran pancartanan cu ta pidi pa detene loke nan a califica di “dictadura” den e nacion sudamericano.

“No mas represion. No mas dictadura”, por a lesa riba e spandoeknan dilanti instalacionnan di Corte Penal Internacional, e principal organismo hudicial di Nacionnan Uni.

== Presidente di Colombia Juan Manuel Santos a solicita su canciyer pa pidi  secretario general di Nacionnan Uni, Antonio Guterres, “pa pone su atencion riba e militarizacion preocupante di sociedad venezolano”.

- Advertisement -

DUNA COMENTARIO

Please enter your comment!
Please enter your name here