Home Politica Robert Anjie mustrando cu Partido CURPA tambe lo participa den eleccion.

Robert Anjie mustrando cu Partido CURPA tambe lo participa den eleccion.

147
0
SHARE
- Advertisement -

ORANJESTAD (AAN): Presidente di Partido CURPA, drs. Robert Anjie, a indica cu nan tambe lo ta den eleccion 2017.

E temporada aki cu ta nos dilanti, un temporada cu Aruba lo tin cu bay escoge su proximo gobernantenan pa 4 aña cu ta den porta. Poco poco Aruba ta sintiendo e calentura di campaña politico cu sigur cu su bon y malo ta trece cierto ambiente den nos pais. Politiconan lo ta bishitando e prospecto votadornan cas pa cas, reunion nan den bario, conferencianan di prensa, pa yega na e gran dia cu ta 22 di september 2017 asina e pueblo lo haci su escogiencia den e urnanan electoral rond Aruba.

E partido Cristian cu ta carga e nomber di CURPA cu su signifido: Cristiannan Uni ReforsandO E PotenciaL dI Aruba lo ta un escogiencia pa e pueblo di Aruba, pasobra CURPA LO BAY ELECCION 2017.

Directiva di CURPA despues di a evalua e situacion actual, analisa e problematicanan di Aruba den tur sector a disidi cu lo traha un team cu lo ta capaz pa goberna nos pais y trece solucionnan real pa Aruba. CURPA lo ta anunciando su candidatonan den e proximo simannan pa asina pueblo sa pa ken nan deposita nan voto. Como e base di CURPA ta Cristian e punto di Amienda 7 lo bira un punto na unda cu CURPA lo para pa e base Cristian y lo no laga Aruba bay den e mal direccion. Aruba ta un pueblo Cristian y no lo laga e pais cai den decadencia y sigur partido CURPA ta e solucion. CURPA lo ta activo den tur skina na Aruba cu informacionnan y programanan social. Partido Politico CURPA ta cla pa tuma e reto pa e proximo 4 añanan.

- Advertisement -

DUNA COMENTARIO

Please enter your comment!
Please enter your name here