Home General SADA a yama su miembronan na un reunion extraordinario

SADA a yama su miembronan na un reunion extraordinario

61
0
SHARE
- Advertisement -

ORANJESTAD (AAN) – E presidente di e Sindicato di Douane sr. Eduard Maduro, den entrevista cu Matutino DIARIO a duna di conoce cu SADA a haya un reunion extraordinario.

Maduro a duna di conoce cu e fecha cu nan a stipula na December ultimo cu e Minister ta acercando, y a yega momento pa presenta na e miembronan di SADA e trabao cu a wordo haci den e grupo di trabao, y mirando cu desde dos siman pasa e cosnan a cuminza bira fastioso, unda cu cierto documentonan cu a wordo treci den e grupo di trabao den cual no a yega na un conceso, a wordo saca y reparti entre e miembronan y a ripara cu tin cosnan cu a bay den un direccion un poco fastioso, segun sr. Maduro.

El a subraya cu tambe mester presenta na e miembronan un stuck cu nan a traha conhuntamente unda nan a pensa den cual direccion nan kier bay segun e protocol cu nan a firma cu Minister na December.

Esey ta loke a palabra durante e reunion di Diaranzon, vooral e documentonan cu a wordo saca y a bay den mannan unda tin puntonan cu no a wordo comprendi y esaki a causa consternacion bao di e miembronan, y a hinca e bestuur di SADA den un posicion un tiki fastioso, pasobra tin preguntanan a surgi mientras cu tin cosnan cu no a wordo acorda na mesa pero a wordo saca comosifuera a wordo acorda pa e bestuur. Pesey e sindicato a haya necesario un reunion cu su miembronan pa asina pone tur carta riba mesa y splica nan den detaye kico ta tur e trabao cu a wordo haci te cu aworaki.

E presidente di e sindicato a menciona cu e disgusto con Douane ta hinca del otro tey, y riba e parti con e trabao ta wordo eherci, nan a splica e miembronan intensamente. E miembronan a keda satisfecho cu e presentacion, nan a haci varios pregunta, a bin dilanti algun ponencia, y SADA a splica den detaye y a somete e nota cu a wordo traha na votacion, y esaki a wordo acepta unanimamente.

Sr. Eduard Maduro a splica tambe cu e trabaonan a cuminza na Januari ultimo. Manera tur hende sa Douane a separa for di Departamento di Impuesto na 2013, pero desde e tempo ey nunca a lanta un grupo di trabao pa traha riba e reorganizacion. Pesey e miembronan a pone pia abao pa e grupo wordo lanta, y ta trabaonan hopi extensive ta wordo realiza cu ta rekeri di hopi input di nan banda y di e bestuur. Nan ta reuni alomenos dos biaha pa siman cu e grupo di trabao y cu un bez cu e bestuur mes pa trata tur loke bin dilanti. Trabaonan cu mester a sosode den un of dos aña mester a wordo haci den un par di luna pa SADA por a cumpli cu su miembronan tambe, segun sr. Eduard Maduro, presidente sindical.

 

- Advertisement -

DUNA COMENTARIO

Please enter your comment!
Please enter your name here