ORANJESTAD (AAN) – Den un entrevista cu Minister di Salud Publico dr. Alex Schwengle, el a menciona (tocante e caso di Baby Luna), cu ainda e famia y AZV ta bon dialogo, te ainda.
Den e caso aki a surgi un disputa entre AZV y e cliente, cual tabata exigi cierto pakete cu AZV a nenga pasobra nan ta bisa cu no ta cuadra.
Pero nan ta tratando di haya otro mitad di caminda.
Encuanto e caso di sr. Koolman, cu a fayece na Colombia, e dignatario a señala cu esaki ta completamente afo di man di Inspeccion di Salud Publico, pasobra aki ta trata di un ciudadano cu a tuma e riesgo di bay riba su mes na Colombia, unda nan tin diferente tipo di protocol.
Basicamente aya no tin ningun coolcel na ningun hospital, ya cu nan custumber ta dera e hendenan masha lihe.
Esaki por sosode ora cu un ciudadano ta tuma riesgo, y den e caso aki segun e mandatario, nan a purba yuda mas tanto posible, no obstante Inspeccion ta trahando y na un forma pro-activo y tin algun caso caba cu lo wordo publica den prensa na su debido momento y na un forma profesional. Pero e casonan cu ta sosode pafo ta mas dificil y Hulanda tin e mesun problema, refiriendo na un caso na Bonaire (cu awor ta pertenece na Hulanda). dr. Schwengle a indica.
Inspeccion di Hulanda a caba di bay Colombia unda nan ta bay cera un pacto cu Inspeccion na Colombia, pa ora tin casonan serio cu sosode aya cu ta e pais unda mas tanto nos ta cumpra cuido medico pafo di Aruba, por tin e posibilidad di investiga e caso aya mes locual no ta sosode aworaki ni tin e samenwerking tampoco.
Ya Aruba a confirma pa Hulanda cu e ta bay di acuerdo cu e convencion aki, pa ora algo no bay bon Inspeccion Aruba por comunica cu Inspeccion Hulanda pa esaki bay Colombia, pa investiga e caso y si berdad algo no a bay bon wak ki paso ta wordo tuma e ora ey.
