Home Economia Segun directora di ATIA: e ta un refleho di a move waf...

Segun directora di ATIA: e ta un refleho di a move waf pa Barcadera. Aumento di prijs pa carga a wordo anuncia aña pasa.

39
0
SHARE
- Advertisement -

ORANJESTAD     (AAN):   Segun directora di Aruba Trade & Industry Association (ATIA), Michelle de Groot, nan a tuma nota cu ASTEC a aumenta nan prijsnan pa e servicionan cu nan ta ofrece na Barcadera.

El a indica cu e aumento aki tabata uno anuncia sigur na nan cliente pero aña pasa nan a presenta e plan na ATIA mes caminda nan a splica cu esaki ta e unico manera pa por cubri e inversion cu a wordo haci pa move e waf pa Barcadera.

Segun de Groot, ATIA a comunica cu ASTEC directamente riba e tema aki recientemente. A wordo bisa cu 2017 ta e ultimo aña cu lo tene aumento di prijsnan.

Tog ATIA ta keda vigila e prijsnan aki pa e bay conforme palabracion cu a wordo haci mas di un aña pasa y pa ta sigur cu e ta wordo implementa na un manera transparente ya cu Aruba ta depende hopi di importacion, e directora di ATIA a manifesta.

Pa loke ta costo di bida, a bisa, algun siman a wordo organiza hunto cu Banco Central un presentacion pa e miembronan caminda nan a presenta e cifranan di 2016 y e prome cuartal di 2017.

Por mira cu e indice di consumo te hasta a baha entre 2015-2016. Costo di bida no a subi. Por ta algo cu e consumidor ta sinti, pero e cifranan no ta demostra esaki, a indica.

Lo haci un sondeo pa determina si e aumento aki ta afecta prijs di producto. ATIA tin contacto cu ASTEC y cu e brokernan. Lo keda monitor e situacion, de Groot a laga sa.

- Advertisement -

DUNA COMENTARIO

Please enter your comment!
Please enter your name here