Home General Socialista Moreno a gana eleccion na Ecuador

Socialista Moreno a gana eleccion na Ecuador

29
0
SHARE
- Advertisement -

Socialista Lenin Moreno a declara su mes presidente di “tur” Ecuatoriano despues di triunfo den votacion di diadomingo, cu resultado opositor di derecha, Guillermo Lasso, a considera “ilegitimo”.

“Mi ta bay ta presidente di tur, si di tur, pero fundamentalmente di pobernan”, Moreno a expresa  visiblemente emociona dilanti alrededor di 2.000 simpatizante reuni dilanti cas di gobierno na Quito pa cambio di guardia di escolta presidencial.

Victoria di ex vice presidente di carismatico mandatario saliente, Rafael Correa, a duna un alivio na izquierda latinoamericano y tambe na fundador di WikiLeaks, Julian Assange.

Cu un 99,29% di voto oficial, Moreno, di Movimento Alianza Pais (AP), a obtene un 51,16% contra 48,84% pa Lasso, di Creando Oportunidad (CREO).

Conseho Nacional Electoral (CNE) tin diez dia di plazo pa proclama resultadonan.

Lasso a expresa riba su Twitter, cu “tin prueba di iregularidadnan den proceso electoral ta hopi. Pesey, nos no por reconoce e resultadonan ilegitimo”.

El a agrega cu “nos lo busca tur caminda politico y huridico, na Ecuador y den exterior, pa respeta boluntad popular cu a pidi un CAMBIO” y a yama partidarionan pa exigi di manera pacifico “transparencia” den conteo di voto dilanti di delegacionnan electoral.

- Advertisement -

DUNA COMENTARIO

Please enter your comment!
Please enter your name here