Home General Stimaruba: Sushi y destruccion di nos Mama Tera ta e herencia cu...

Stimaruba: Sushi y destruccion di nos Mama Tera ta e herencia cu nos ta laga pa nos generacion nobo

42
0
SHARE
- Advertisement -

ORANJESTAD (AAN) – Olinda Rasmijn, Presidente di Stima Aruba, a expresa den entrevista cu Matutino DIARIO, cu Dia di Tera ta un dia internacional, un dia di celebra.

Sra. Rasmijn a señala cu ta di Mama Tera nos ta haya nos cuminda, y nos mester aprecie y dune su balor.

Mama Tera mester tine sano, traha cune, pa nos por sigui haya cuminda pasobra ta e ta producie.

Sra. Rasmijn a toca e hecho cu e produccion cu nos ta haya akin a Aruba ta poco door di falta di awacero, pero tanten nos tin awa di cranchi nos mes mester percura pa muha e tera pa nos yude cu nes mes awa y tambe cu loke nos kier pa planta.

E dama a subraya cu e ta nota cu tin hende na Aruba cu ta susha nos tera hopi: nan ta laba azeta di auto y nan ta bente riba suela mes. Tambe hopi ta benta abo ki desperdicio cu nan tin, na lugar di tire den saco pa bente den un bari di sushi. E ta kere cu e hendenan aki ora nan ta bay campa nan ta haci mesun cos.

Esaki pasobra na cas nan no ta custumbra di pone den un caha of un baki pa despues bente afo. E ta haya cu tur hende mester di saco di plastic. E ta haya un tiki dudoso cu nan a saca nan for di mercado. Berdad esnan fin no ta mira nan riba caminda, pero nan a bin di un otro forma, y tog ta keda di plastic.

Ademas, rond di Aruba nos ta yen di producto di plastic. Coi hunga por ehemplo, y hasta bril y e plastic aki ta tuma hopi tempo pa disolve aunke nos bay bente na dump.

Sra. Rasmijn a cuestiona e hecho cu nos ta sigui susha nos isla. E ta haya cu 30 dump riba nos isla ta di mas. Por ehemplo, riba tereno di construccion tin hende ta paga un caterpiler pa deshaci di e desperdicio. Esnan cu ta traha cu e caterpiler ta traha un buraco den tera pa tira e desperdicio den dje, pero no tin control riba esaki. Tampoco ningun hende sa kico tin benta eybou.

El a comenta tambe cu hopi hende a laga, aworaki, hopi sushi benta riba beach. Hopi cost a wordo benta bao di tapadera hasta awa. Asina tin hopi cos cu ta bay den tera, pero nos no ta mira. Si bin hala un tiki cu un hack fini por mira cuanto sushi tin dera eynan, segun sra. Rasmijn. E ta puntra si ta e sushi aki nos ta laga pa nos siguiente generacion.

Sra. Rasmijn a indica cu ora e ta scucha nos arkeologo bisa cu historia di Aruba ta den nos tera, y cu cobando 40 centimeter caba ya bo por weit’e e ta haya cu awor, pa e generacion cu ta bini, nos ta laga tur e desperdicionan cu a keda atras “esey ta nos regalo di nos generacion pa e otro generacion”.

No tin respet pa nos Mama Tera. Sra. Rasmijn a splica cu den Fransepas nos ta mira cobamento, y ta tur sorto di cobamento esey ta.

Organizacion di Medio Ambiente no a tende nada di pakico tin tanto cobamento y pesey nan a yama DOW pa puntra kico ta bin eytras. E ta haya cu DOW tin respet tog cu tin biaha ta laga sa kico ta pasando. Pero loke ta sosode e ultimo temponan aki ta desproporcional, segun sra. Rasmijn.

E ta haya cu ta tumando lugar hopi destruccion riba nos Isla, y den e unico bahia di Aruba cu ta keda den Fransepas pasobra ta conoci cu si coba un parti, tur e awa cu ta bin pafo.

El a bin tende cu nan ta bay planta palo di mangel pero su pregunta ta, ta ken tin e experticia pa haci esaki. El a yama Santa Rosa y no ta nan, tampoco DOW. Anto ken?

 

- Advertisement -

DUNA COMENTARIO

Please enter your comment!
Please enter your name here