Home Enseñanza Studiantenan di Hulanda y Corsou a keda cla na IPA cu nan...

Studiantenan di Hulanda y Corsou a keda cla na IPA cu nan programa di Minor- Perspectiva Mundial

56
0
SHARE
????????????????????????????????????
- Advertisement -

ORANJESTAD (AAN): Instituto Pedagogico Arubano (IPA) ta ofrece anualmente un programa di Minor special pa e studiantenan internacional, particularmente den Reino Hulandes. E programa aki a tuma luga durante e periodo di februari te april 2017.

E studiantenan Diede Klanterman, Annlies Tamboer, Julliette Munsterman, Christiaan van de Berg en Beverky Akins di entre otro Hogeschool van Arnhem en Nijmegen, Fontys Eindhoven y Universidad di Curaçao (LOFO) a termina e programa cu exito.

E enfoke di e programa di minor tabata riba Desaroyo Sostenibel den Enseñansa y den mundo general unda a dilinea e asina yama cuater P’s di sostenibilad cual ta ‘Planet, People, Profit y Participatory Governance’. E meta di e programa tambe tabata pa e studiantenan amplia nan horizonte, cera conoci cu e cultura y sistema di enseñansa di Aruba y haya conocemento didactico pedagogico, investigacion y tambe intercambia conocemento y experiencia.

E programa tabata consisti di diferente actividad multidisciplinario unda e studiantenan a participa na un serie di tayer, facilita pa varios docente di IPA, riba diferente tereno manera multilingualismo den enseñansa, sistema y maneho di enseñansa, investigacion y ciudadania. Nan a haci nan practica na diferente school basico y school secundario na Aruba, unda nan a realisa proyecto y haci investigacion relaciona cu e topiconan ya menciona. Banda di esaki nan a participa na diferente excursion entre otro Museo di Industria, MFA Noord, Parlamento di Aruba, Gobierno di Aruba, WEB Aruba, y e centro di ciudadnan di Oranjestad y San Nicolas.

Pa finalisa nan programa e studiantenan a presenta e resultado final di nan investigacion y nan experiencia en general. Nan a termina e programa cu un evaluacion oral exitoso pa cua nan a ricibi un certificado. E studiantenan a experiencia IPA y nan school di practica como uno sumamento educativo, informativo y creativo. Nan a duna di conoce cu nan pasantia na Aruba tabata uno rico na experiencia. IPA ta desea e studiantenan di Minor un bon continuacion y finalisacion di nan estudio na Hulanda y Corsou.

- Advertisement -

DUNA COMENTARIO

Please enter your comment!
Please enter your name here