Home Noticia Internacional Theresa May a anuncia eleccion anticipa pa dia 8 di juni

Theresa May a anuncia eleccion anticipa pa dia 8 di juni

11
0
SHARE
- Advertisement -

LONDON—- Prome ministro britanico Theresa May a anuncia ayera cu e a dicidi di convoca eleccion general anticipa den Reino uni pa dia 8 di juni. Den un declaracion inespera dilanti su residencia oficial Downing Street 10 May a comunica su decision di no spera te 2020, e aña cu e proximo cita electoral mester a tuma lugar.

E prome ministro a admiti cu el a yega na e conclusion contra su gusto di cu e mester convoca e eleccion pa Reino Uni por conta cu un liderazgo stabil mirando su dilanti e negociacionnan tocante salida di e pais di Union Europeo.

“Mi a yega na e conclusion cu e unico manera pa garantiza seguridad y certeza den añanan nos dilanti ta cu convocatorio di eleccionnan nobo”, May a splica despues cu algun siman pasa el a descarta eleccionnan adelante .

El a añadi cu mientras e pais ta uni despues di Brexit, e divisionnan ta sigui na Westminster, sede di parlamento britanico, algo cu por pone den riesgo –el a splica—e exito di negociacionnan tocante salida di e pais for di Union Europeo.

Den su declaración, e prome ministro a bisa cu Laborismo di Jeremy Corbyn a menaza di vota contra e acuerdo final na cual Reino uni a yega cu un bloqueo europeo, mientras cu independistanan escoses di SNP ta contra—el a bisa—e trabao cu gobierno ta haci tocante Brexit.

E prome ministro a subraya cu e no ta dispuesto di permiti politiconan perhudica e negociacionnan trocante Brexit despues di a wordo invoca dia 29 di maart ultimo.

“Na e momento ey di significacion nacional mester tabata tin unidad aki na Westminster pero tin un division na su lugar. E pais ta uniendo pero Westminster no”, el a agrega.

Pa por  convocar e eleccionnan aki, e prome ministro awe lo presenta na parlamento un mocion cu lo

E lider “tory” a agrega cu e no ta dispuesto di pone na peliger “seguridad di miyones di trahador den henter e pais pasobra loke ta wordo haci door di politiconan di oposicion ta perhudica trabao cu nos mester prepara pa Brexit den e pais y debilita e posicion negociador di gobierno na Europa..

E conservadornan di May tin un ventaha importante contra e laboristanan den ultimo sondeonan tocante intencion di voto.

Dia 29 di maart ultimo e hefe di gobierno a invoca Articulo 50 di Tratado di Lisboa cu cual a cuminza e negociacionnan tocante salida di Reino uni for di Union Europeo.

Den e referéndum europeo celebra 23 di juni aña pasa, e britaniconan a vota pa sali di e bloque europeo.

 

- Advertisement -

DUNA COMENTARIO

Please enter your comment!
Please enter your name here