Home Salud Tin un plan nacional pa loke ta Zika, unda cu tur sector...

Tin un plan nacional pa loke ta Zika, unda cu tur sector medico ta envolvi

42
0
SHARE
- Advertisement -

ORANJESTAD  (AAN):  “Nos mester ta realistico tocante tur e malesanan cu tin y cu ta biniendo”.

“Na prome lugar nos tin cu corda cu Aruba ta un pais turistico cu ta haya bishita di hopi hende y cu den region rond di Aruba incluyendo Merca, tin e sangura transmisor di cierto tipo di infeccionnan, manera Zika, Dengue y Chikungunya etc.”.

Esaki segun Dr. Wilmer Salazar di Departamento di Salubridad, durante un conferencia di prensa Dialuna mainta.

El a sigui bisa cu Aruba no ta scapa di haya cierto malesa, pero nos por hasi tur cos si pa contene esaki y evita cu e por plama na un manera drastico.

“E simptoma di Zika ta un sindroma y esey kiermen cu tin diferente simptoma y signo, cu no ta exclusivo di Zika y esey ta un problema pa hasi un diagnostico”.

“Un persona cu tin rash, keintura, dolor di curpa, dolor tras di wowo y malestar di curpa, no necesariamente tin Zika”.

Esaki segun Dr. Salazar, kende a bisa cu e por ta un otro enfermedad tambe manera Dengue, Chikungunya of un enfermedad di mucha.

Te hasta bo por haya e mesun tipo di simptomanan aki, si bo a come algo robez y a haya un intoxicacion di cuminda.

For di Februari aña pasa a cuminza detecta casonan di Zika, di hendenan cu a bin for di Brazil, Colombia, Venezuela etc.

“Nos tabata pending cu e lo bay hasi su entrada un poco despues cu e yobida a bin y esey a sosode”.

“Si nos no tin e cifranan, esta si docternan no yama of hendenan no yama, nos no sa kico ta sosodiendo”.

Prome no tabata tin un bon indicacion, pasobra ora docternan a constata por ehempel cu hendenan tabata tin rash, nan a pensa cu tabata un simple rash cu lo kita despues di tempo.

Sinembargo, for di aña pasa Departamento di Salud Publico hunto cu Ministerio di Salud Publico tabata trahando activamente riba e lucha contra e sangura cu ta transmiti e virusnan aki.

Un di e cosnan cu a cuminza hasi ta duna e hotelnan cu ta liber di sangura un premio.

E turistanan aparentemente no tabata tin molester di sangura, mientras cu e hendenan di Aruba cu ta biba na cas, ta haya e malesa.

“E problematica ta bin di nos mes, pasobra si nos lucha contra di dje, nos por contene y nos por ta basta sigur cu nos lo no haya Zika y otro malesanan cu ta azota nos region, manera Malaria y Yellow Fever”.

“Nos ta prepara, pasobra nos tin un plan nacional”.

Esaki segun Salazar, kende a sigui bisa cu un di e problemanan di Zika ta cu 80% di e hendenan cu tin Zika no tin simptoma, mientras cu 30% di e hendenan aki tin solamente rash como simptoma.

El a sigui bisa cu no tin un simptoma cla, unda cu por bisa mesora cu ta trata di Zika.

Mester uza ayudo di laboratorio, pero esaki no ta facil, pasobra Zika ta un malesa nobo, pa cual ainda laboratorionan ta purbando di traha un test mas realistico y specifico di nivel halto.

Salazar a sigui bisa si cu e cantidad di caso confirma di Zika den ultimo simannan a baha drasticamente.

Mester corda cu na Europa ta circula e virus di ‘Measles’(Bruela)  y den nos region tambe tin un malesa cu yama Parvo Virus, cu ta duna e mesun simptomanan cu Zika.

E edad cu ta wordo afecta cu Zika ta entre 15 cu 75 aña y un pregunta importante ta: dicon mucha menor di 15 aña no ta haya Zika?.

Quizas esaki ta pasobra mucha ta vacuna contra Bruela.

Tur e preguntanan aki ta importante.

Pa loke ta e hendenan cu ta na estado tin un plan nacional, unda cu tur sector medico ta envolvi, incluyendo Parteranan, docternan di mucha, Ginecologonan, Departamento di Malesa Contagioso, Departamento di Epidemiologia y Gele Koorts Muskieten Bestrijding.

Na momento cu un hende na estado di e simptomanan di Zika, mesora e ta wordo inclui den e sistema y e desaroyo di su baby ta wordo sigui di cerca.

- Advertisement -

DUNA COMENTARIO

Please enter your comment!
Please enter your name here