Home General Tormenta Tropical Arlene a nace den Atlantico

Tormenta Tropical Arlene a nace den Atlantico

494
0
SHARE
- Advertisement -

ORANJESTAD (AAN): Un Tormenta Tropical inusual a aparece riba Oceano Atlantico, y el a haya e nomber “Arlene”.  Esaki a socede, siendo cu e temporada di Horcan ainda no a cuminza.  E fecha di 1 di Juni 2017 ta hopi leu ainda.

Pero tog Diaranzon mainta un Depresion SubTropical a nace den parti pariba di Atlantico, como 1.400 kilometer west-zuidwest di Islanan Azores.

Pero aworaki pa 5:00 pm, National Hurricane Center na Miami a mira cu el a converti su mes den un Tormenta Tropical, y a haya e nomber di Arlene.

Su ubicacion pa 5:00 pm ta 37.7ºNort y 42.0ºWest, y ta move direccion West Noordwest cu 40 km/h.  Bientonan maximo sosteni den e centro ta di 72 km/h.

Pero Tormenta Tropical Arlene ta na un lugar marginal pa por desaroya. Lama su temperatura eynan ta di como 20º Celsius, cu ta hopi mas abao cu e 26.5º Celsius cu ta rekeri pa sostene un Tormenta Tropical.  Sinembargo e temperaturanan di e nivelnan mas halto di atmosfera ta hopi frieu, y esey ta haci e atmosfera suficiente instabil pa sostene e maltempo pisa cu tin mester pa por clasifica esaki como un Depresion SubTropical.

E Tormenta Tropical no ta un menaza pa Aruba!  E ta moviendo West-Noordwest den direccion di lama aun mas frieu, y un otro tormenta extratropical lo bay absorba e sistema.  Pa awor e no ta menaza pa ningun pais, djis pa barconan riba lama.

 

- Advertisement -

DUNA COMENTARIO

Please enter your comment!
Please enter your name here