Home Comentario Venezolano si? Venezolano no? Awor si mi ta confundi!

Venezolano si? Venezolano no? Awor si mi ta confundi!

106
1
SHARE
- Advertisement -

Comentario:

Pa Mercedes Monge

Mi a keda hopi sorprendi cu den algun negoshi, entre nan un par di botica y un di nos tiendanan hopi popular, mi a bin scucha cu nan benta a bay atras pasobra “no tin Venezolano ta bin cumpra na Aruba”.

Y mas sorprendente ainda ta di a scucha di un par di chofer di autobus cu nan entrada a bira hopi menos pasobra casi no tin Venezolano e ultimo lunanan, cu ta biniendo Aruba.

Mi a dicidi di busca na sa un ke otro y mi a haya indicacion cu esnan cu a traha apartamento of camber pa huur cu Venezolano, of cu tabata huur camber den nan mes un cas, tambe a haya un bashi di nan entrada pa mesun motibo aki. Supermercadonan, vooral den barionan, ta bende hopi menos. No tin e mesun demanda tampoco riba carchinan pa celular, of otro sistema cu nan ta uza  pa yama nan famia afo.

Awor, berdad ta asina cu no tin rij largo di Venezolano cu ta bin raspa na ATM, tampoco tin e keho di damitanan nechi cu ta “para auto” den e ciudad of rond di Misa di Playa, of cu ta pasa “coketea” riba beach.

Como usuario vast di transporte publico mi ta mira cu enberdad e autobusnan, alomenos di Santa Cruz y San Nicolas, ta core mas bashi den dia (cu excepcion di e oranan pick cu mayoria di usuario ta local) y por mira cu berdad e entrada mester ta menos cu tempo cu e Venezolanonan tabata bin na granel.

Nos a pasa den momentonan cu nos comunidad tabata keha asina hopi cu entrada casi masal di Venezolanonan, aunke aworaki tin indicacion si cu autoridadnan concerni ainda ta hayando trahadornan ilegal procedente di nos pais bisiña, na diferente pia di trabao, pero e no ta bin dilanti cu asina tanto enfasis manera algun tempo pasa.

No obstante, mi ta puntra mi mes: Venezolano si? Venezolano no? Nan ta bon pa Aruba si of no? Mi ta confundi di scucha cu e bentanan a bay atras pa cierto negoshinan, loke mi ta kere cu mester a afecta nos economia tambe, door di a scucha varios doño di curpa (comerciante, huurdo…) keha cu no tin Venezolano mas pa haci e inversionnan chikito aki den nos pais.

En todo caso, por spera un otro sorto di Venezolano manera ya ta e caso na Curacao. Esnan cu ta bay pidi asilo politico na Aruba. Tin di nan cu por bin bashi y tin di nan cu por bin cu placa pa inverti, mas si por ehemplo ta hende cu a logra saca nan placa na tempo for di Venezuela, pasobra e situacion politico na nan pais ta afectando tur clase social igualmente y tin indicacion cu e ta bay bira peor.

Danki Dios nos na Aruba no ta biba den dictadura, y mi ta spera nunca nos lo pasa den algo asina aki.  Berdad ta cu Aruba ta un teritorio hopi chikito pa alberga mas Venezolano cu loke ya ta wordo calcula caba cu lo drenta pa traha den Citco. Pero podise lo yega un momento cu nos tur lo mester sinta pensa y scoge entre e logica di kico nos por y kier acapara sin afecta nos propio pais y nos sociedad, y e compasion cu mester tin pa nos prohimonan Venezolano. Un tarea no si gobierno so, tambe di nos pueblo en general.

 

- Advertisement -

1 COMMENT

  1. bon dia mi nomber is alfred a mi ta venezolano y Im sorry a mi no papia bon papiamento . pero si lo entiendo un poco ya q e tenido la oportunidad de ir al la isla varias veces . la verdad si tienes razon en tu comentario en otros tiempo el venezolano era unas de las personas q gastaba mucho dinero sin importarle nada ya que en esos tiempo no habia de que preocuparse .ahora la situacion actual lamentablemente es muy diferente nos hemos visto en la necesidad de emigrar de nuestro pais .tener q dejar nuestra casa . nuestros hogares . y tambien nuestras familias a la deriba tratando de encontrar algo mejor lo cual tambien es casi imposible ya que ahora el venezolano en muchos paises es lo peor .es el enemigo por asi decirlo . es el (INMIGRANTE ILEGAL ) es lamentable y causa un poco de indignacion ya que en muchos de esos paises es sus tiempo venezuela acojio y abrigo a muchosss de sus inmigrante y revisando cifras de deportacion en venezuela era nula aqui nunca se pesiguio a los ilegales por asi decirlo.
    claro no digo que como inmigrante tienes q estar ilegal . no solo digo que si eramos paises hermanos con muy buena relacion cuando venezuela estaba bien porq ahora q venezuela esta mal nos dan la espalda .

    es muy triste esta situacion y como dije al comienzo e viajado a aruba muchas veces me encanta su dialecto el cual me aprendi .me encanta su isla. su cultura .y sus personalidades .
    en el tiempo q estube alla cultive muchas amistades de varios paises eso me gusto ya q por medio del papiamento me podia comunicar con ellos sin saber ingles .
    TIENES UNA ISLA MUY HERMOSAS Y TIENES RAZON POR MANTENERLA ASI DE PROTEGIDA .LO ENTIENDO
    PERO NO TODOS LOS VECINOS SON MALOS . HAY BUENO Q DE VERDAD QUISIERAN APORTAR BUENAS COSAS A SU PAIS .
    espero no haberle faltado el respeto . y de verdad espero algun dia volver a pisar la gran isla de aruba mi nombre es alfred jose hernandez teran
    que tengas un feliz dia

DUNA COMENTARIO

Please enter your comment!
Please enter your name here