Home General WEB preocupa cu un aspecto di seguridad pa laga e planta funciona...

WEB preocupa cu un aspecto di seguridad pa laga e planta funciona riba gas

124
0
SHARE
- Advertisement -

ENERGIA

ORANJESTAD (AAN): Awor ta saliendo na cla, cu e calidad di gas cu ta sali di e planta di EcoGas rumbo pa WEB Aruba NV, tin un ‘problema’ cune.  E planta di EcoGas mes ta funciona bon, y a produci e capacidad cu WEB tin mester.  Pero un componente di e gas ta uno cu tin un peligro specifico cune.  Asina e dos companianan a dicidi na busca conseho di un compania di Merca, pa haya un solucion.

Expertonan local di WEB mes, tin confianza cu e solucion lo no ta un inversion grandi adicional. E tin di haber cu siguridad!

Director di WEB, Luis Oduber, a splica cu tin cu sinta cu Ecogas pa mira kico e gastonan ta.  E recomendacionnan a bin caba, pero ainda WEB no a haya sa di dje.

Oduber a sigui splica cu internamente a haci algun ahuste, y a dicidi di pone un di e expertonan local di WEB, encarga cu e tarea awor pa sondea posibilidadnan. E ta den contacto cu companianan di exterior pa mira kico ta e prijsnan, y informacion di equipo pa e planta na Balashi opera riba gas.

Tambe ta bay cuminsa mira e asunto di suministro, ken por suministra gas na Aruba, na ki prijs naturalmente. Esey ta loke ta bay dicta, sea e proyecto bay door of no. Si e prijs di inversion den WEB ta resulta mas halto naturalmente ta bira hopi dificil of mester bay wak con ta hustifica e proyecto.

Pero si resulta prijs di gas atractivo y e inversionnan ta bon, naturalmente lo presenta e proyecto aki, na e board, pasobra e inversionnan lo bay ta hopi grandi. Algo di e magnitud aki sigur sigur lo envolvi e accionistanan naturalmente aden.

- Advertisement -

DUNA COMENTARIO

Please enter your comment!
Please enter your name here