Home Suceso Yiu di Landho Garcia a fayece den accident tragico na Hulanda

Yiu di Landho Garcia a fayece den accident tragico na Hulanda

4772
0
SHARE
— Potret cortesia: Politie Hoeksche Waard.
- Advertisement -

ORANJESTAD (AAN): Diadomingo mainta despues di 5:00 am (ora di Hulanda), yamadanan a cuminza drenta na Polis di Hoeksche Waard na Numansdorp (Zuid Holland), indicando cu un accident pisa a socede riba e caminda A29, na altura di un viaducto.

Ora cu Polis a yega, a mira e forma severo cu e auto compacto a keda, y cu e chofer ta pega den e vehiculo.  Vehiculo di Rescate di Cuerpo di Bombero a yega pa asina  yuda saca e chofer cu ainda ta na bida.

— Landhee W.J. Garcia, 33 aña.

Te algo despues di 6:00 am, Bomberonan a logra saca e victima y hasta un Helicopter di Trauma tabata na e lugar.  Cu e helicopter e victima den estado critico a wordo transporta pa Erasmus MC di Rotterdam.  Aunke mediconan a purba tur lo posible, tog e victima a fayece.

E VICTIMA

El a wordo identifica como Landhee Windfor Joell Garcia, naci na Aruba dia 11 di Juni 1983, pues tin 33 aña di edad.  E ta hopi conoci como yiu homber di e personahe di radio Landho Garcia, y awor conoci como “Landhito El Sanito”.

Na Aruba, Landhee antes e tabata biba den Archimedestraat na Companashi.  Na Hulanda, Landhee Garcia ta biba na Den Haag.

AUTO TA DI SUEGRA

Na comienzo ora cu Polis a cuminza haci e investigacion, nan a pone den un prome informe riba nan Facebook Page cu e chofer di e auto tabatin conflicto cu su amiga, y pesey sin permiso el a pasa man pa yabi di e auto di su suegra, y a bay cune.  Cu velocidad hopi halto el a bay dal den e pilarnan di e viaducto.

— Trauma Helicopter sperando pa Bomberonan saca e herido.

Den comentario di e posting, a aparece e palabra “karma”, y esaki a crea hopi reaccion negativo di publico.  Ora cu a haya sa cu e chofer a fayece, Polis di Hoeksche Waard a haye obliga di kita e posting di Facebook y ofrece un disculpa.

Landhee Garcia ta yiu di Landho y Linda, y tabata un persona hopi stima y activo.  E ta na Hulanda y ta finalizando su estudio di Scheepvaart.  Su morto tragico a laga un dolor inmenso pa su sernan keri na Hulanda y tambe su famia na Aruba. Na famia di e fayecido, DIARIO ta manda palabranan di condolencia.  Cu Dios tuma Landhee den su Reino, y dune Paz eterno.

Last Updated: 1:16 pm Aruba Time.

- Advertisement -

DUNA COMENTARIO

Please enter your comment!
Please enter your name here