Home General AAA NV a tuma medidanan pa controla acceso di pahranan riba tereno...

AAA NV a tuma medidanan pa controla acceso di pahranan riba tereno di aeropuerto

69
0
SHARE
- Advertisement -

ORANJESTAD   (AAN): Aruba Airport Authority N.V. (AAA) lo introduci algun medida adicional pa sigui controla y reduci e cantidad di pahranan cu ta bula riba e tereno di Aeropuerto Internacional Reina Beatrix.

Accidentnan di pahra ta costa e industria di avionnan comercial biyones na daño tur aña, ni pa menciona e risico significante pa e seguridad pa pasahero. Hopi di e accidentnan di pahra ta sosode den e area di un aeropuerto, y pa e motibo ei, aeropuertonan rond mundo ta gasta un suma di placa y tempo considerabel den e practica di maneho riba animalnan cu ta subi riba tereno di aeropuerto y Aeropuerto di Aruba tambe ta comprometi na esaki.

Adicionalmente, e programa di maneho riba animalnan cu ta subi tereno di aeropuerto ta parti di aeropuerto su certificacion di ICAO y por wordo revisa periodicamente.

Como parti di e medidanan, e ekipo di operacion di aeropuerto lo cuminsa usa cañonnan di zonido, un machine di fog y pronto lo introduci scopetnan cu lo wordo usa pa haci zonido cu lo spanta e pahranan. E medidanan adicional ta diseña pa spanta e pahranan for di e areanan di operacion di avion y crea un ambiente menos comodo y indesea pa e pahranan.

E prome test a wordo haci cu e cañon di zonido, y despues lo sigui cu e otronan. E medidanan aki den ningun forma lo haci daño na e pahranan of na nos medio ambiente, pero lo brinda un nivel di seguridad adicional pa operacionnan di avion na Aeropuerto Internacional Reina Beatrix.

- Advertisement -

DUNA COMENTARIO

Please enter your comment!
Please enter your name here