Home Politica Activista di Grupo di 7 y di MEP a manda menaza serio...

Activista di Grupo di 7 y di MEP a manda menaza serio riba Face Book

737
0
SHARE
- Advertisement -

Menaza cu morto insinua contra Prome Ministro

ORANJESTAD(AAN): Tur caminda riba rednan social e tema di menaza di morto contra  “Mike and Mike , kima nan dilanti parlamento”  a capta atencion. Esaki a wordo considera como un menaza indirecto contra Prome Ministro Mike Eman y Minister di Turismo Sr. Mike de Meza a pesar cu no a menciona e nombernan completo ni titulo. Hopi tabata puntra si e persona cu  post e menaza aki ta deteni caba, mirando su menaza.

E no ta un desconoci di Polis pasobra el a yega di cay cera caba den pasado. E ta conoci como un campañador di MEP y tambe activista den e grupo di 7. E tabata sostene e mesun grupo cu biaha pasa for di marduga a bay spera prome minister Mike Eman riba Linear Park ora e tabata haci ehercicio.

Den pueblo a lanta manera un rabia pa e actuacion ey biaha pasa y awor tambe mas ainda e menaza serio di kima “Mike and Mike dilanti Parlamento”, loke hopi a considera como menaza directo na Prome Ministro y Ministro de Meza. Biaha pasa e lider di MEP mes a expresa hasta elogia loke e grupo aki ta haci. Dia cu a causa daño na Parlamento, e mesun lider di MEP a expresa hunto cu su colega femenino cu esaki ta e comienso.

Diamars no por a tende ningun desaprobacion di un representante di MEP of e lider di MEP pa locual un di su activistanan cu el a apoya diferente ocasion den pasado a expresa. For di bon fuente nos a compronde cu recherche a puntra prome minister si e kier entrega un keho.

Prome minister Mike Eman a tuma e posicion y no ta entrega keho pasobra cu no tin temor pa tipo di menazanan asina. E siman cu a pasa ey mes e mesun persona hunto cu otro compañe di Grupo di 7 a pone candal y cadena na Ministerio Publico. Riba Face Book el a haci yen di expresion y nan a ataca personalmente e fiscal riba caya yegando trabou.

No necesariamente mester tin keho oficial pa atende cu un figura peligroso asina cu ta menaza miembronan di gobernacion cu morto. Hopi reaccion a keda drenta si autoridad lo actua. Lo tende mas leu te unda autoridad lo duna seriedad na e menaza serio aki.

 

- Advertisement -

DUNA COMENTARIO

Please enter your comment!
Please enter your name here