Home Politica Agente Kenny Montero a bira otro candidato riba lista di Partido POR

Agente Kenny Montero a bira otro candidato riba lista di Partido POR

230
1
SHARE
- Advertisement -

 

ORANJESTAD (AAN) – Diamars mainta Partido Pueblo Orguyoso y Respeta, POR e Plataforma Forza Nobo, a haci e introduccion di otro candidato riba su lista. Ademas a lanza tambe e documento cu ta contene e plan di accion di POR.

E candidato nobo ta e agente policial Kenny Montero. Lider di POR sr. Otmar Oduber a menciona cu Kenny a acepta pa forma parti di POR, despues cu hopi combersacion cu tabata tin cune.

Kenny Montero tin 15 aña ta presta servicio den KPA (Cuerpo Policial Aruba), y e ta conoci no solamente como un polis ehemplar, cu ta percura pa e seguridad di nos pueblo, cu tambe ta expone su bida door di e trabao grandi cu nos Cuerpo Policial ta desplega, pero tambe pa diferente labor social cu como ser humano e ta haci, y cu POR a haya hopi interesante. Den su oranan liber y hasta tin biaha den oranan di trabao Kenny ta haci e mesun trabao boluntario di, por ehemplo, rescata animalnan abandona y busca ayudo pa nan, y cu ta lucha constantemente, cu hopi amor, contra maltrato di animal, specialmente cacho y pushi.

Kenny a nace na Seroe Preto, y hunto cu su casa tan stima e ta biba na San Nicolas, den e pueblo cu el a nace.

Tambe, na forma boluntario, e ta atende cu adictonan ambulante den su bario y rond di Aruba.

Oduber a subraya cu pa Kenny no solamente e ser humano y bida di hende ta importante, pero tambe e ambiente den cual nos tur ta biba, di cual su fauna ta relevante.

Pa Partido POR ta un privilegio, Oduber a expresa, cu el a duna e partido aki su escogencia, y mas mirando cu un di e prioridadnan di e Plan di Accion di POR, y un di e necesidadnan di nos pueblo, ta pa percura pa nos seguridad manera e ta den e pensamento tambe di nos comunidad.

Pa duna un bon bini na Kenny Montero, tambe tabata presente drs. Marisol Lopez-Tromp, mr. Andin Bikker y otro candidatonan riba lista di POR.

- Advertisement -

1 COMMENT

DUNA COMENTARIO

Please enter your comment!
Please enter your name here