Home General Alerta pa Aruba: “Oil Spill” afectando costa di Bonaire

Alerta pa Aruba: “Oil Spill” afectando costa di Bonaire

484
0
SHARE
- Advertisement -

ORANJESTAD     (AAN):    Den e ultimo simannan por a ripara cu algun parti di Venezuela, specificamente na Nueva Esparta y Sucre, a wordo afecta pa un “oil spill” cu a origina dia 23 di April ultimo  na Trinidad y Tobago.

Esaki a afecta seriamente e beachnan di entre otro Los Roques, Margarita for di unda DIARIO ta hayando informacion a desplega un operativo pa haci e beachnan limpi y evita mas daño na fauna y flora di e region.

_ Esaki ta e potret saca na Bonaire unda por wak e azeta preto riba beach. Fuente Stinapa

Fuentenan ayega na DIARIO a indica cu e “oil spill” (derame di petroleo) aki ya caba a afecta Bonaire y Stinapa, cu ta e organizacion cu ta proteha medio ambiente a confirma pa medio di potretnan e impacto cu e derame aki tin na e costa.

Parce cu Corsow y Aruba a wordo poni na altura pa keda den estado di alerta. Na Bonaire, e ciudadanonan ta kehando pasobra e a autoridadnan local no a adverti di e situacion.

Muestranan di e azeta preto riba beach a wordo tuma pa haci e debido investigacion y mira con leu e daño ta na e costa  como na e flora y fauna di e isla.

E preguntanan cu ta surgi entre otro ta: Con contamina lama ta? Con peligroso ta pa come cuminda di lama? E beachnan, ta apto pa uso publico?

Ambientalistanan venezolano ta hopi preocupa pa cu e situacion aki. Nan ta puntra si e autoridadnan na e islanan ta na altura di e situacion. Nan ta recomenda pa e islanan di Aruba y Corsow keda monitoria e costa y organiza e comunidad pa haci e recoleccion di e producto pero cu e cuidadonan necesario.

Nan ta recomenda pa no tin contacto directo cu e contaminante (azeta) y di e mesun manera, anticipadamente coordina un plan di accion den caso cu e producto cuminza impacta nos costanan.

DIARIO a tuma contacto cu Aruba Marine Park y nan a duna di conoce cu nan no a haya ningun informacion relaciona cu esaki. Sinembargo lo ta bon pa haya sa si algun otro instancia a wordo poni na altura y si ta trahando algun plan di accion den caso cu e “oil spill” aki.

E potret adhunto ta di e beach na Bonaire, unda por mira gotanan chikito di azeta afectando e beach.

- Advertisement -

DUNA COMENTARIO

Please enter your comment!
Please enter your name here