Home Deporte Alrric Kock a logra pa sobresali den e categoria di Single terminando...

Alrric Kock a logra pa sobresali den e categoria di Single terminando esaki completo durante Ronde Van Aruba

134
0
SHARE
- Advertisement -

ORANJESTAD (AAN): Durante e Ronde Van Aruba cu a inicia diabierna anochi y a termina diasabra mainta cu a conta cu varios participante den diferente categoria, algo a hala atencion di Diario Deportivo tabata e categoria di Single na unda cu tabata tin un total di 8 participante y den nan nos tabata tin un di e coredornan cu Aruba ta sumamente orguyoso di dje, ta Alrric Kock.

Alrric Kock e aña aki a tuma e reto pa core e ruta di 72km su so. Algo cu ta sumamente dificil y cu ta tuma algun luna di preparacion. No solamente e parti fisico, pero e parti mental tambe ta sumamente importante na momento cu bo dicidi cu bo kier acepta un reto asina grandi. Na salida caba, Diario Deportivo por a mira cu Alrric Kock tabata conta cu un team fuerte y cu hopi sosten di su famia y conoci.

Na altura di Wisselpost 7 cu tabata dilanti Bushiri Hotel.  Alrrick a pasa nos dilanti un tiki cansa, cu ta logico, pero e parti mas impresionante tabata pa mira e smile grandi riba su cara y cu e meta pa e yega final. Na yegada di Mariniers Kazerne parti final, Alrric a wordo ricibi pa su famia.  Esey tabata un momento hopi emocional pero contento y satisfecho.

Pabien Alrric cu e logra grandi aki, y unda cu bo bay, keda hisa e bandera di Aruba na laira. Pabien di parti nos di Diario Deportivo. Potret pa cortesia di 297Sports.

- Advertisement -

DUNA COMENTARIO

Please enter your comment!
Please enter your name here