Home Politica Andin Bikker a cuestiona cu Minister Paul Croes no tabata presente durante...

Andin Bikker a cuestiona cu Minister Paul Croes no tabata presente durante reunion publico

71
0
SHARE
- Advertisement -

ORANJESTAD (AAN) – Durante e reunion publico cu a tuma lugar den Parlamento, diamars mainta, e Parlamentario mr. Andin Bikker a hiba palabra y a cuestiona cu Minister di Asunto Social, Labor y Maneho di Hubentud, drs. Paul Croes no tabata presente, ya cu e ta politicamente responsable di e situacion cu ta tumando lugar unda tin un investigacion ta pisa riba dje.

Parlamentario Bikker a puntra ta di con e minister no tabata presente si e ta politicamente responsable, pero e no a haya contesta riba esey.

Tambe el a tuma nota den prensa cu tabata tin un proposicion di minister Paul Croes na Ministerraad a base di cual un decision a wordo tuma.

Parlamentario mr. Bikker a indica cu, aparentemente, tabata tin dos documento di cual el a pidi copia ya cu pa bon funcionamento di e democracia Parlamentario e ta haya cu e miembronan di Staten mester tin copia di ambos.

E parlamentario a subraya cu no tin den nos Constitucion, ni den e Landsverordening cu ta regula salario di politiconan, ni den reglamento di ordo di Ministerraad y tampoco den e Landsbesluit cu ta regula ki ora por melding of ta ausente, no ta conoci cu un minister cu ta sospecha di un crimen, y hopi serio, por bay basicamente cu vacacion, na spera di e resultado di e investigacion.

Segun e parlamentario, na final di dia e minister ta keda responsable y e por firma, y aparentemente mal uso di su firmamento ta e hecho pa cual e ta wordo poni como sospechoso, cu den opinion di mr. Bikker, nunca den historia parlamentario y di gobernacion di Reino, a bin un caso unda cu na 17 lugar a listra y cu un minister ta sospechoso di diferente asunto hopi hopi serio.

Parlamentario mr. Bikker a señala cu e ta puntra e minister con e por pensa di e respet pa su funcion, pa nos Constitucion y pa Pais Aruba, cu e ta kere cu no obstante esey e por bay cu vacacion na spera di e resultado di e investigacion di e caso.

Parlamentario Bikker a expresa cu el a scucha di diferente colega cu nan ta bay busca con na Hulanda nan ta atende cu casonan asina, pero netamente den Reino Hulandes, pa menos cu esey minister ta duna honor na nan mes y ta retira. Kiermen, nan ta laga e funcion den Parlamento of den Ministerraad te ora tin resultado di e investigacion.

Su pregunta ta bay pa Prome Minister Eman, ya cu minister Croes no tey presente, con e por hustifica cu e tin e tematica di integridad ta asina halto no solamente den encuentronan Parlamentario pero tur caminda cu nan bay, manera na 2014 y 2016 tabata tin discusionnan fuerte riba integridad y su colega Sneek a presenta un Landsbesluit riba integridad ministerial y parlamentario y cada bez cu tin encuentronan Parlamentario ta debate oranan largo riba integridad, anto aworaki cu un caso asina serio ta presenta, diripiente ta saca coneu for di sombre y ta bisa cu e minister ta bay cu vacacion, en spera di e resultado di investigacion.

Parlamentario Bikker ta haya esaki masha straño mes, pasobra ora ta trata di otro fraccionnan ora AVP ta den oposicion, pa menos cu esey un minister mester tuma su retiro.

Segun e Parlamentario e fraccion di AVP, ora ta cumbini nan ta aplica cierto reglanan. Parlamentario Bikker a bisa cu si nan wak e combinacion di dos agenda preto tur dos ta trata den esencia cu casonan penal andando, pero nan kier papia riba un y no riba e otro. Na final di dia, den un agenda E un minister ta sospechoso.

Parlamentario Bikker a cuestiona Minister di Husticia ora a bisa NO, “It doesn’t matter”. El a acentua cu si esey ta su etica y balor por saca afo for di awor caba cu esey ta su norma y balornan!

Parlamentario Bikker a subraya cu hecho ta cu normalmente den e historia di Reino Hulandes, ora un mandatario ta wordo sospecha di crimennan di e magnitud aki den su funcion, e mester duna honor na su mes di abandona e funcion y esey ta e pregunta cardinal den e caso aki.

E no ta bay pa detayenan di e investigacion, ni pa e regla cu te ora un sospechoso ta wordo haya culpable ta wordo condena, pero ta bay pa e esencia cu pa añanan caba ta papia riba e tematica di integridad y ta bin cu tur sorto di documento riba esey, y a wordo bisa cu si na Sint Maarten y Curacao, esaki no ta wordo reglamenta debidamente, nan kier impone riba nos un Rijkswet Integriteit.

 

 

- Advertisement -

DUNA COMENTARIO

Please enter your comment!
Please enter your name here