Home General Aruba Bank ta expande su relacion cu Mastercard

Aruba Bank ta expande su relacion cu Mastercard

72
0
SHARE
- Advertisement -

ORANJESTAD    (AAN):  E banco comercial mas grandi na Aruba, Aruba Bank, ta expande su relacion cu Mastercard, un compania lider den e industria di tecnologia pa cu pagonan global, pa ofrece clientenan cu un carchi di Mastercard na Aruba mas opcion pa haci transaccion sigur, y facil.

“Nos ta percura pa nos clientenan ta satisfecho, y pesey nos lo sigui provee servicionan “state-of-the-art pa tur producto di Aruba Bank Mastercard,” segun Hugo van Mourik, Senior Manager di Aruba Bank su Card Center.

Cu e expansion di e relacion entre Aruba Bank y Mastercard lo enfoca riba:

-Ofrece un liña di producto pa e segmento afluente, incluyendo Mastercard Black y Mastercard Platinum;

-Incorpora e carchinan di Maestro di Aruba Bank den Mastercard Debit pa clientenan por beneficia di e siguridad agrega, aceptacion mas amplio y compranan online cu e producto ta ofrece; y

-Trece tur assets global mas cerca di clientenan cu un carchi di credito Aruba Bank Mastercard, incluyendo sponsorship y otro beneficionan “Priceless” cu MasterCard ta provee.

“Nos ta orguyoso di ta partner cu Aruba Bank y ta entusiasma cu e producto y servicionan cu nos lo por lansa pa nan clientenan,” Gabriele Zuliani, Head of Caribbean pa Mastercard a bisa. “Aruba ta un mercado emergente clave pa Mastercard, y unda nos lo keda enfoca riba encurasha uzo di solucionnan pa haci pago digital.”

- Advertisement -

DUNA COMENTARIO

Please enter your comment!
Please enter your name here