Home Deporte Aruba Triathlon Association a manda varios participante pa competi den e Curacao...

Aruba Triathlon Association a manda varios participante pa competi den e Curacao International Triathlon 2017

29
0
SHARE
- Advertisement -

ORANJESTAD (AAN): E Curacao International Triathlon 2017 a tuma lugar diadomingo 28 di Mei unda un cantidad grandi di atletanan den e region di Caribe pero tambe di Venezuela y Colombia lo participa. Mas cu claro di Aruba Triathlon Association tambe a manda algun di nos top atletanan di triathlon den diferente categoria competi na nos hermana isla. E atletanan cu lo representa Aruba ta Linda Smit, Sandra Postma, Lucien Dirksz y Renze Postma. Recientemente tur e cuater tri-atletanan aki a logra un tremendo papel den e competencianan di triathlon den exterior esaki na Merca y Ecuador. E tr-atleta Linda Smith a logra un prome lugar den su categoria y un segundo lugar overall, mientras Sandra Postma a keda na di prome lugar den su categoria y un di cuater lugar overall. E tri-atleta masculino Lucien Dirkz cu a keda na un di 4 lugar overall y prome lugar den su categoria. Di otro banda nos tri-atleta elite Renze Postma a haci un tremendo papel den e competencia di CAMTRI Triathlon na Salinas, Ecuador unda e la obtene un di 8 lugar overall y ta kibra su record personal den e competencia aki. Mester bisa cu tur tres atleta lo competi riba e distancia Olimpico cual ta 1.5km landa, 40km riba bicicleta y finaliza cu 10km na pia.

Un danki sigur na Lotto, e Loteria di Aruba pa medio di Comision di Subsidio cu a yuda subsidia e biaha di e tri-atletanan pa e Curacao International Triathlon 2017.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organiza loteria, cambia bida di su hungadornan y na mes momento inverti den deporte local pa medio di donacionnan na e Comision di Subsidio.

- Advertisement -

DUNA COMENTARIO

Please enter your comment!
Please enter your name here