Home Enseñanza Arubianonan hopi interesa den Coastal Carolina University

Arubianonan hopi interesa den Coastal Carolina University

24
0
SHARE
- Advertisement -

ORANJESTAD (AAN): Recientemente na e Collegezaal di EPI a tuma luga un anochi informativo pa studiantenan cu ta interesa den e opcion pa studia na Coastal Carolina University cu ta na e estado di South Carolina. Esaki ta un di e 8 universidad cu Aruba tin acuerdo cu nan, Minister di Enseñansa y Famia, Michelle Hooyboer-Winklaar a remarca.

E studiantenan cu bay na un di e universidadnan aki ta haya e mesun tuition fee, un instate tuition fee, manera esnan cu ta biba na e estado mes. Esaki ta algo cu den e ultimo añanan cu ta un opcion cu a bira hopi popular mes. Aworaki tin mas o menos 10 studiante caba cu ta studiando eynan y ta mira cu esaki ta un di e opcionnan cu lo crece den tempo.

“Pa nos tabata sumamente importante pa por haya representantenan di e school mes, pa bin splica un tiki di nan school kico nan ta ofrece, kico ta nan proceso pa aplicacion, kico ta e cosnan mas cu nan ta mira pa admision si tin cierto areanan cu nan ta mas fuerte den dje”, Minister Hooyboer-Winklaar a remarca. Esey ta tur detaye den un anochi asina, pero pa minister ta importante pa sigui construi e opcionnan aki. Tin 10 studiante caba y nan a mira cu e escogencia di Canada of Merca ta uno cu a subi bastante den e ultimo añanan. Tambe nan ta mira cu esey lo sigui crece den e proximo añanan.

Coastal Carolina tin 67 programa na e nivel di bachelor, mientras cu na e nivel di masters nan tin 8 diferente programa. “Pues ariba un poblacion di mas o menos 10 mil studiante, nos ta mira cu relativamente compara cu otro schoolnan cu ta hopi mas grandi, e ta ofrece sigur un experiencia pa nos studiantenan cu kisas un tiki mas cozy, un tiki mas den e sentido un comunidad y sigur cu nos tin studiantenan caba cu pa mayor y studiantenan cu ta pensando riba e opcion aki”, Minsiter Hooyboer-Winklaar a remarca. Minister ta kere esey lo trece un alivio ora cu nan yega eynan, pasobra tin caranan sigur conoci of caranan cu pa Arubiano nan lo ta eynan pa yama nan bon bini y mustra nan kico tur e school tin pa ofrece. E comunidad y bida di studiante tambe.

 

 

 

 

Minister Hooyboer-Winklaar ta sumamente contento cu e presencia di e anochi aki pero tambe cu nan a haya e oportunidad di mira e programa di henter siman ta encera bishita na diferente school, bishita pa decanonan na ambos colegio pero tambe na diferente instancia cu ta interesa cu por partner cu Coastal Carolina University.

 

- Advertisement -

DUNA COMENTARIO

Please enter your comment!
Please enter your name here