Home General Awe Digicel Aruba ta lansa Samsung Galaxy S8 y Galaxy S8+

Awe Digicel Aruba ta lansa Samsung Galaxy S8 y Galaxy S8+

107
0
SHARE
- Advertisement -

ORANJESTAD (AAN): Awe Digicel ta lansa e ultimo, e “smartphone” mas innovativo cu ta forma parti di e linea espectacular di Samsung Galaxy, esta e Galaxy S8 y Galaxy S8+. E smarphonenan aki ta pusha e fronteranan di e celularnan tradicional cu nan diseño di ‘hardware’ sin igual y un variedad di servicio nobo.

Cu introduccion di un cantidad di servicio y apps como tambe un pantaya Infinito espectacular pa un miho experiencia di uzo, Galaxy S8 ta presenta un nivel nobo di funcionalidad y conviniencia, habriendo un galaxia di posibilidad.

Pantaya:

Samsung Galaxy S8 ta considera e miho celular cu Samsung a yega di traha – asina mes! Cu un diseño completamente nobo for di paden, cuminsando cu e “Pantaya Infinito” y diseño sin “rand” cu ta forma un superficie continuo y lizo, sin boton ni randnan fuerte. E resultado ta un experiencia di uzo impactante, sin distraccion cu ta haci “multi-tasking” mas conveniente. Galaxy Samsung S8 su diseño compacto ta haci posibel uzo cu un man confortabel y ta bin cu Corning Gorilla Glass 5 riba tanto e parti dilanti como e parti patras pa durabilidad.

Seguridad:

Cu tecnologia digital y mobil creciendo na un paso rapido, a bira manera masha sumamente importante pa ofrece un nivel halto di siguridad y privacidad den telefon celular, como cu ta warda, comparti y tin acceso na un cantidad enorme di data personal y di negoshi riba aparatonan mobil. E Galaxy S8 tin e nivel di mas halto disponibel riba mercado actualmente! E ta inclui un scanner pa cara cu ta reconoce e iris di wowo di e doño, un scanner pa “fingerprint”, un “pattern pad” y capacidad pa password y pin, cu ta duna e usuario opcionnan di siguridad maximo basa riba nan preferencia. Cu esaki, pa “unlock” e Galaxy S8 y tur su funcionnan ta simpel manera bira “hello Bixby”.

Introduciendo Bixby:

Cu e idea pa crea un relacion cu no por kibra entre e telefon celular y su usuario, unda cu e telefon ta compronde su usuario mescos cu e usuario ta compronde su telefon, Samsung ta lansa su assistent sabi nobo, Bixby. E ta papia, mira, scucha y ta permiti usuarionan pa haci tur cos riba e telefon cu nan bos – revolucionando asina e interaccion completamente entre e usuario y su celular. Un di e habilidadnan principal ta Bixby vision, cu ta identifica cualkier cos cu e camara ta dirigi na dje, sea ta un edificio, un imagen, un obheto, of hasta un persona.

Peter Rampling, Digicel Group Chief Commercial Officer, sa kico clientenan ta buscando den un telefon.  Nan kier diseño elegante, funcionalidad super rapido, calidad di camara impactante, resolucion HD.

Galaxy S8 ta provee tur esaki y mucho mas.  Segun Sr. Rampling: “Loke ta hasta mas bon di e telefon ta su compatibilidad cu nos red super rapido LTE. Nos tabata den proceso di mehora nos red pa futuro pa ofrece conectividad mas rapido y mas confiabel den Caribe y e region di Centro America y cu e celular aki, clientenan por conecta cu amigo y famia den un habri y cera di wowo.”

“Samsung Galaxy S8 ta introduci un era nobo di diseño di smartphone y servicionan nobo fantastico, habriendo caminda pa un experiencia mundial,” Jorge Lopez, Gerente di Benta Regional di Samsung Electronics a bisa. “Galaxy S8 ta nos prueba pa recupera bo confianza door di redefini loke ta posibel den siguridad y ta marca un logro importante den e legado di Samsung den e industria di smartphone.”

Dia 11 di mei ultimo a lansa e modelo aki pa clientenan di Digicel na Jamaica y awor desde dialuna dia 15 di mei, Samsung Galaxy S8 y S8+ ta disponibel den tiendanan di Digicel Aruba.

- Advertisement -

DUNA COMENTARIO

Please enter your comment!
Please enter your name here