Home Enseñanza Builders Club di Mon Plaisir College ta organisa Mysterious Night PROM pa...

Builders Club di Mon Plaisir College ta organisa Mysterious Night PROM pa tur studiante

44
0
SHARE
- Advertisement -

ORANJESTAD    (AAN)— Builders Club di Mon Plaisir College ta organisando un anochi di Prom “Mysterious Night” Glow in the Dark Edition Prom pa tur studiante di Aruba.  E Mysterious Night Glow in the Dark Edition PROM ta un evento organisa door di e miembro nan di Builders Club of Mon Plaisir College pa e studiante nan di Aruba di tur scol cu lo kier experiencia un anochi involvidabel y haya un ‘prom experience’. E evento aki lo tuma lugar dia 9 di juni, 2017 den e ballroom prestigioso di Hilton Aruba Caribbean Resort & Casino.

Portanan lo habri pa 8:00 pm y e evento lo termina pa 12:00 am. Ticket nan ta na benta y disponibel cerca tur miembro di Kiwanis Builders Club di Mon Plaisir College, Galo Rojo San Nicolas y John Wesley College na balor di Awg 50,-. Tur fondo recauda durante di e anochi aki lo bay bek den comunidad.

Builders Club ta un Kiwanis club pa studiante nan di Middle School of MAVO di 12 pa 17 aña di edad y tin mas cu 45,000 miembro rond di mundo. Mescos cu tur sponsored leadership programs di Kiwanis, e meta di esaki nan ta pa forma lider nan hoben, promove e importancia di duna bek, haci trabou comunitario, practica public speaking, siña organisa evento nan pa recauda fondo y tambe community service proyects pa e comunidad.

Kiwanis Builders Club di Mon Plaisir College ta un Sponsored Leadership Program (SLP) di Kiwanis Club of Aruba y ta forma parti di e famia grandi u extenso di Kiwanis pa 5 aña caba na Mon Plaisir College MAVO.

Kiwanis Builders Club di Mon Plaisir College kier a extende e invitation na tur studiante cu ta desea pa asisti e prom night, pa pasa cumpra nan ticket como cu esaki nan ta limita.

 

 

- Advertisement -

DUNA COMENTARIO

Please enter your comment!
Please enter your name here