Home Enseñanza Cantidad grandi di docente a sigui curso di Educacion Sexual

Cantidad grandi di docente a sigui curso di Educacion Sexual

29
0
SHARE
- Advertisement -

Instructor ta sra. Pharetza Bertad Damon di Curacao:

ORANJESTAD (AAN)—Educacion Sexual ta e tema di un curso cu a wordo duna na un cantidad grandi di docente, organiza pa SKOA en cooperacion cu Wit Gele Kruis.

E curso aki a wordo duna door di sra. Pharetza Bertad Damon, ken ta traha na Ministerio di Salubridad, Medio Ambiente y Naturaleza na Curacao.

E ta coordinador di e Programa di Educacion Sexual, cual ta hiba como nomber “Biba Amor”.

E ta na Aruba na e momentonan aki unda e ta pasa bishita scolnan pa mira con e material di educacion sexual ta wordo traspasa na e alumnonan mucha y hoben.

E ta hopi satisfecho cu locual el a observa y e ta mira cu nos docentenan ta bon prepara pa locual nan a haya como informacion, y nan ta haciendo nan maximo esfuerzo pa traspasa esaki na e mihor manera posible.

Esaki ta contribui, pa asina e mucha y e hoben cu tin bon informacion, por tuma decisionnan corecto cu por contribui na un desaroyo sexual saludable.

Sra. Bertad Damon a subraya cu educacion sexual pa mucha y hoben ta di suma importancia, pasobra tin casonan unda e mucha muher cu no a caba di desaroya ainda, no a caba di forma su mes, ta sali na estado, y esaki ta implica complicacionnan cu por bin cune: e ta afecta su bida social, e aspecto emocional, y ta hopi importante cu a cuminza cu e trayecto aki pa educa nos muchanan.

E programa aki ta pa educa e mucha, no pa mande tin relacion sexual, sino pa eduke pa e sa cu por na otro forma mas responsable.

“E realidad ta cu e muchanan ta, activamente, riba tereno sexual. Anto aworaki nos tin cu educa nan, duna nan e informacion corecto, pa asina por bay nan miho. Importante ta cu nos mayornan por duna un man na esaki, pa nan por carga nan responsabilidad pa cu esaki. Pero si bo sinti, como mayor, cu bo lo no por hacie cu bo lo no por papia over di e topico, tin profesionalnan cu sin por yuda bo”, e dama a subraya.

Den e caso aki e maestronan por duna un man den e formacion pa asina nos por cosecha exito, sra. Pharetza Bertad Damon a subraya.

 

- Advertisement -

DUNA COMENTARIO

Please enter your comment!
Please enter your name here