Home Policial Cas cu a kima na Dakota ta parce di ta uno intencional

Cas cu a kima na Dakota ta parce di ta uno intencional

552
0
SHARE
- Advertisement -

Investigacion a cuminza

ORANJESTAD    (AAN):   Tabata Diadomingo anochi alrededor di 9:00 pm, cu a wordo reporta cu un cas situa den Pedro Gallegostraat ta na candela.

Brandweer a acudi na e adres, cu mas bien ta hopi cerca di ex-Marlboro Tennis Park.  Despues cu a paga candela, e comandante di brandweer , Sr. “Erasmus”, a pidi e polisnan pa drenta e cas debi cu a keda constata un situacion straño.

Entre otro a constata pañanan kima riba stoof, siendo cu e pida ey mes no a kima.  Pues vlamnan di e candela no a yega eynan.

Nan a nota cu tabatin pañanan den cushina, cu tabata na suela, tur glas di e mesa den sala tabata destrui, mientras no tabatin evidencia di candela of calor di candela cu a kima of destrui nan.

E mesanan tabata kibra den camber di television, den gang tabatin boshi paña tambe.

Posiblemente lo tabatin intencionalmente maldad tras di e sucedido. Recherche tecnico y tactico a wordo solicita na e sitio pa nan continua cu e investigacion di un of otro.

Ora cu Bomberonan a yega, nan a wordo informa cu tabatin un hende den e cas y el a sali na tempo.  No ta conoci si acaso e persona aki mes ta meti den e asunto aki.

- Advertisement -

DUNA COMENTARIO

Please enter your comment!
Please enter your name here