Home General “Cimarronaje” un documental cu ta expone e historia di e raza preto...

“Cimarronaje” un documental cu ta expone e historia di e raza preto na Latinoamerica

83
0
SHARE
- Advertisement -

ORANJESTAD (AAN) – Na Centroamerica, Sudamerica y Caribe, mayoria di pais tin fecha anual pa celebra e luna di e “Etnia Negra”. Na Costa Rica, por ehemplo, e actividad cultural ta wordo yama “Festival Las Flores de la Diaspora”. Ta interesante pa comenta cu na Curacao tambe tin e celebracion di e “Etnia Negra” ma na Aruba e no ta wordo celebra.

Na Panama, pa cuminza cu e celebracion aki, lo tuma lugar awe na Fundacion Omar Torrijos un film yama “Cimarronaje”, cu ta mustra e historia pa cual, na un manera of otro, e etnia negra ta wordo honra den nos region.

Matutino DIARIO a haya informacion interesante al respecto, y nos ta invita pa awe subi na e website di e fundacion pa aprecia e film, gentileza cu nos ta gradici.

Segun historia ta conta, prome cu George Washington y Simon Bolivar, un pueblo a rebela contra e dominio europeo den e Continente Americano: tabata e Cimarronnan, e personanan di color scur profugo di e sclavitud cu a lanta comuna di palenke meymey di e selva, cu un organizacion social y aheno na e custumbernan di e yugo spaño.

E Cimarron mas famoso tabata Bayano, bao cual liderazgo no solo a logra defende s comuna I e ataki di e Spañonan, ansioso di eradica cualkier brote di sublevacion den e colonia, sino cu tambe a pone e Corona den problema financiero, door di oblige nan suspende e comercio maritime den e zona pa motibo di asaltonan cometi contra esnan di color cla, como benganza.

E Spañonan tabata tin un deseo grandi di mata Bayano, y nan tabata tortura e hendenan preto pa saca for di nan informacion secreto di e ubicacion di Bayano. Akinan por papia di e prome lidernan revolucionario di America Latina, cu a pasa abao di e tapijt di e historia debi na e imposicion di e version implanta pa e “Mundo Bieu”.

Tur e hechonan aki y tocante e yegada di raza di color scur na America Latina ta wordo nara den e documental “Cimarronaje” di e Hapones Toshi sakai, ken cu e film aki ta rindi homenahe na Portobelo, despues cu el a descubrie durante un biahe na e Istmo cuarenta aña pasa. Ademas, e ta pone den evidencia e influencia cultural prohibi cu ta existi den e historia di humanidad.

- Advertisement -

DUNA COMENTARIO

Please enter your comment!
Please enter your name here