Home Politica Cinco miyon extra pa Mercado Mericano na 2016 ta dunando bon resultado...

Cinco miyon extra pa Mercado Mericano na 2016 ta dunando bon resultado y grado di ocupacion y RevPar hopi positivo

66
0
SHARE
- Advertisement -

Ex minister Otmar Oduber

ORANJESTAD (AAN): Aña pasa como Minister a bay Parlamento y pa prome biaha a touch den loke ta yama e contingency fund di ATA. Nos a notifica Parlamento di e intencion di Gobierno pa pidi ATA pa busca 5 miyon den e fondo ey pa añadi den e mercado Mericano, specificamente pa motibo di e efectonan di Venezuela cu tabata sinti.

Tambe pa sigura empleo di nos hendenan cu ta traha den hotel mirando cu e tempo ey casi 80% di Venezolanonan cu tabata bin Aruba pa ‘raspa karchi’, tabata keda den otro acomodacionnan cu no ta hotel. A base di e decision tuma na augustus/september aña pasa, ta sumamente contento pa mira cu e decisionnan aki a duna resultado e aña aki sumamente positivo. E prome 4 lunanan te cu april ta mustra cu grado di ocupacion a subi cu 5.9% y RevPar a subi cu 10.5% durante ultimo 4 lunanan, sr. Otmar Oduber a informa.

Cifranan:

Si wak e cifranan desde 2009 te cu 2016, e cantidad di turistanan cu tabata 812 mil a subi na 1.1 miyon na 2016. RevPar na 127$ a subi na 182$. Grado di ocupacion di hotelnan cu tabata 72% na 2009 a cera na 2016 na casi 79.6%. “Average Daily Room Rate” (averahe prijs di camber pa dia) tabata 176$ y awo e ta na 228.62$. Segun sr. Oduber, e reto di Venezuela ta termina e aña aki na luna di mei cu ta algo cu a premira for di un aña y mey pasa.

E efecto di e strategia cu tabatin pa Merca ta pone cu e aña aki ta bay ta hopi bon pa turismo. Na 2009 ora cu a drenta como Minister e cantidad di turista di crucero tabata na 600 mil. E aña aki si tur cos sigui segun cu a cera e contractonan aña pasa, ta papia cu lo cera rond di 740 mil pasahero crucero, cual ta sumamente positivo.

Pa termina y keda riba nota positivo, e fin di siman tras di lomba ta mira un otro festival di Soul Beach cu a tuma luga super exitoso. Aña pasa a dicidi di hisa e nivel di e festival atraves di e participacion di gobierno (a traves di ATA) na e tipo di conciertonan aki.

Segun cifranan cu a worde suministra, ta papia di riba 5000 bishitante cu tabata na Aruba. Hotelnan y comercio sigur tabata sumamente contento como cu e ta demostra cu e tipo di eventonan aki tin efecto sumamente positivo.

 

- Advertisement -

DUNA COMENTARIO

Please enter your comment!
Please enter your name here