Home Economia Comerciantenan di antaño mester educa nan mes kico ta e-commerce

Comerciantenan di antaño mester educa nan mes kico ta e-commerce

23
1
SHARE
- Advertisement -

Ernst Mohamed presidente di KvK:

ORANJESTAD  (AAN): Ernst Mohamed, kende ta presidente di Camara di Comercio, a comenta cu hopi comerciante tin e deseo pa nan bira un online merchant cu nan no tin nodo di bay cu credit card, cu nan tin converti e dollar den florin y despues e credit card tin cu wordo converti den dollar, y vice versa.

Tambe locual cu kier purba di logra ta pa e depositnan bay un tiki mas lihe entre e banconan.

Awendia e hobennan ta sinta banda di otro, kier deposita placa riba bo cuenta y ta djis click riba e telefon y e ta den bo account.

Esnan “old school” no ta mustra hopi interes pa esey, pero esaki ta e futuro. No tin awa pa laba.

Con urgente

Camara di Comercio y tur esnan cu a sinta na mesa durante un reunion cu Banco Central y Asociacion di Banco a realisa cu tur ta coriendo atras di e hechonan, cu ya e t’aki den otro regionnan. Awo tin cu haci un inhaalstap. Tin cu traha duro riba dje y e ta urgente, door cu si no actua riba dje awo, e ta pasa nos voorbij, den un fenomeno cu por gana tempo y placa, cual ta importante pa nos comerciantenan.

Manera Bill Gates a bisa, casi 20 aña pasa, cu Business will be done in the speed of light. Esey ta unda nos ta caba. Den algun aña mas, e lo ta hopi mas lihe.

Un efecto grandi

E-Commerce a causa un efecto grandi riba caida di benta local den negoshinan en general, entre otro Caya Grandi. Segun Ernst Mohamed, esey ta un di e factornan. Hopi acceso na caya grandi tabata un rason pakico hendenan a bay busca alternativa. E generacion cu ta biniendo, no ta gusta cana mas, shop, tuma decision. Nan kier ten’e den nan man. Nan ta gewoon bay online, nan ta haya locual cu nan ta busca, nan ta ordo e y den algun dia e tey na bo cas.

E conveniencia di e online shopping, a bira un fenomeno hopi grandi. Eynan tambe Camara di Comercio a alerta riba esey cu e tabata biniendo y cu awo e tey.

A bisa hopi na e comerciantenan cu e trein tey y pa subi’e y bay cun’e, sino bo ta keda atras. Comerciantenan di antaño mester educa nan mes kico ta e-commerce y kico por haci’e na beneficio di su mes.

Parkeo

Parcialmente por bisa cu parkeo tabata un factor. E acceso na caya grandi tabata uno. Pero no ta kere cu esey ta e unico factor cu a causa un problema den caya grandi. Camara di Comercio ta bezig cu su plan strategico y den esey pa tur partido, nan tin e vision con pa ataca e problema di caya grandi. E problema di caya grandi, no ta solamente parkeo, no ta solamente e Venezolanonan, no ta solamente esey. E ta diferente punto compleho, cu mester wordo ataca. Si ta ataca nan un pa un, ta pa por drecha nan.

Pasonan basico

E pasonan mas basico ta cu nan mester bira un unidad. Si kier drecha bo mesun benta, pa hende bin cerca bo, e ora ey, Camara di Comercio tin success den nomber. Si abo so ta bay haci bo marketing, e ora ey e no ta bay alcansa tur hende cu bo kier haci’e. Pero si tur hende bin hunto y constantemente ta haci’e. E caya ta wordo yama Caya Grandi y no un solo tienda. Si haci un campaña di Caya Grandi y tur hende ta participa den e campaña ey, mas hende ta bin caya, mas bo ta crece den number y mas grandi bo ta bira. Camara di Comercio den su negoshinan, nan tambe ta competi. Competencia ta esun cu ta grita mas duro, esun cu ta haci mas mercadeo. Esun cu ta haci mas cos pa e consumidor, esey ta gana. Si caya grandi kier gana, nan tin cu bin hunto y tin cu cuminsa haci mas cos pa e consumidor bin cerca nan, segun Ernst Mohamed.

 

- Advertisement -

1 COMMENT

  1. Door di e competition cu online shopping e tiendanan tin di realisa cu pa nan keda existi nan mester haci banda di e-commerce e experiencia den e tienda algo remarkable. Shoptainment. Caya grandi mester ta un entertainment pa e consumidor unda cu por shop, come/bebe y topa amigonan. Tur esaki pa un prijs rasonable. Esun cu tin placa ta shop den exterior esun cu tin tiki placa ta keda pega (pa awo) local. Dimes mester tin tur e facilidadnan pa e consumidor dus parking spots, public toilets, luga di sinta fresco, porta asta un speeltuin chikito pa e muchanan, hopi sombra y nan mester ta sinti safe y entertaint. Turista di awendia no ta gasta hopi mas tampoco door di e mesun situation na nan pais di online shopping. Kiermen e cambio di e formula ta pa local y turista.

DUNA COMENTARIO

Please enter your comment!
Please enter your name here