Home Economia Comerciantenan di Caya Betico Croes tiki decepciona cu Gremio Comercial no a...

Comerciantenan di Caya Betico Croes tiki decepciona cu Gremio Comercial no a duna sosten necesario

306
0
SHARE
- Advertisement -

ORANJESTAD (AAN): Desde cu a cuminza mustra cu riba di 50 empresa a cera nan porta caba cerca y rond di Caya Betico Croes na Playa, ta diferente persona a bin ta duna nan opinion riba e motibo, y algun cu ta duna sugerencia kico pa haci.

Pero pa sorpresa di e comerciantenan den Caya Betico Croes, nan ta sinti cu e gremio comercial a manera laga nan na caya.

Segun Tatiana Eman a splica, tur hende cu kier yuda pa promove mas negoshi y trafico di hende, ta bon bini.  Pero tog nan ta sinti cu no tur gremio ta para banda di e comercio den centro di Oranjestad.

Segun Señora Eman, su persona a bin cu e idea ey ariba su mes, e no ta afilia na ningun partido politico. E idea ta nace for di e propio necesidad y e necesidad cu el a mira den su propio coleganan.

Aña pasa a reuni cu Camara di Comercio, unda nan tabata tin diferente reunion unda cu e mustra diferente cifranan. Ta papia akinan di cifra, ta papia di placa y no di emocion.

Esnan cu kier sa, KvK tin tur informacion di e comerciantenan den Caya Betico Croes, caminda cu comerciantenan a mustra e diferencia di benta, prome cu parkeermeter a worde implementa y despues, unda cu a mustra cu e caida tabata dramatico!

Segun Eman, aki no ta papiando di percepcion, pero di cifra. Señora Eman ta kere cu si tin un hende, un organizacion cu por yuda e comerciantenan, nan ta mas cu welcome. Otro punto ta tambe, nan por tuma contacto libremente cu Señora Eman. E lo ta mas cu contento pa splica kico tur e iniciativanan, paso nan no ta trece solamente e problemanan padilanti, nan a trece tambe diferente solucion. Pero si no tin oido, mes leu nan  a keda.

Comerciantenan a worde priminti, cu Caya Grandi lo haya Wi-Fi, Security, Security Cameras.  Comerciantenan a worde priminti cu Caya Betico Croes lo haya sun shades, pero ainda nada.

Comerciantenan no ta atacando ningun hende, pero hecho ta cu nan tin preocupacion y pesey semper naturalmente ta cerca Gobierno nan a bay pa expresa nan preocupacion.

- Advertisement -

DUNA COMENTARIO

Please enter your comment!
Please enter your name here