Home General Comunidad mester bira mas conciente riba beneficionan di ehercicio

Comunidad mester bira mas conciente riba beneficionan di ehercicio

30
0
SHARE
- Advertisement -

ORANJESTAD (AAN): Riba Dia Internacional di Presion Halto, director di IBISA, Monique van Embden a bisa comunidad mester ta mas activo den ehercicio y deportenan, y asina cosecha e beneficionan cu nan tin, tanto fisicamente como mentalmente.

Tin diferente manera pa haci actividad fisico, hopi biaha hende ta pensa di biaha riba deporte of bay gym, pero esey no ta e unico manera pa haci movecionnan y ta activo. Importante ta pa un persona keda activo y bira conciente di importancia pa haci suficiente actividad fisico pa bo salud, fisico y mental, ta importante pa menciona beneficionan mutuo den esaki. Pero den mesun momento, busca un actividad cu ta placentero pa bo, esaki por ta baile, landa, cana of core. No lubida cu actividadnan manera haci cas limpi of traha den cura tambe ta conta como actividad fisico.

Sra. van Embden a bisa cu mayoria di bario tin facilidadnan deportivo, kiermen esaki ta habri posibilidad pa haya un lugar trankil y sigur pa haci ehercicio. Hopi biaha nan mes ta organiza actividadnan deportivo y asina ta facil pa participa, sea riba bo mes of den grupo.

Si un persona ta dispuesto y conciente cu ehercicio ta beneficia bo salud, bo lo haya e manera y  crea tempo pa ta activo.

Segun Sra. van Embden, schoolnan na Aruba ta activo den ehercicionan fisico pa muchanan si nan tin espacio pa esaki. Preferiblemente muchanan mester haci un actividad fisico of deporte tur dia. Muchanan ta gusta ta activo, y mester tin un balansa den horanan cu nan ta sinta y haci ehercicio of ta activo.

Tin suficiente pruebanan cu ta demostra cu muchanan cu ta activo ta studia mihor y ta duna mihor resultadonan, nan por concentra mihor. Tin biaha por scucha educadornan ta bisa cu ora mucha ta bin di pafor, nan ta hyper y nan no ta pone atencion mas den les, pero segun Sra. van Embden, esaki ta net lo contrario, un bon balansa entre actividad fisico y studia ta duna un mihor resultado.

Den otro paisnan estudionan a tuma lugar na unda muchanan ta core tur dia un miya, tur mainta prome cu nan cuminsa cu nan les. Nan a preveni obesidad y a stimula un mihor atencion den lesnan. Na Aruba, nan ta trahando un programa similar, y comision di Ibisa ta haciendo un bon trabao pa wak na ki manera nan por yega na un situacion optimal.

 

 

 

- Advertisement -

DUNA COMENTARIO

Please enter your comment!
Please enter your name here