Home Estilo Con bo ta siña hende pa trata bo?

Con bo ta siña hende pa trata bo?

71
0
SHARE
- Advertisement -

Un articulo cu por yudabo crece den caracter….

drs. Marisol M. Krosendijk, sicologa

Bida por ta yen di hende cu por trata bo na un manera menos bon. Bo por tin hefenan cu ta spera mucho di bo, cu ta probecha di bo tempo y cu ta asumi cu lo bo traha ora nan largo extra sin pago. Bo por tin un pareha cu ta duna tiki y cu ta tuma hopi mas di locual bo tawata kier a dune, y cu tambe tin e curashi di actua mescos cu e no ta suficiente. Tin amistadnan cu ta drenta den bo bida y despues ta desaparece….

De hecho, tin biaha bo por ta pensa cu hendenan ta tratabo asina a proposito manera bo ta un sorto di target djiez wardando pa hendenan hasi bo mas daño.

Y den cierto manera, bo ta.

Un biaha mi a tende un hende bisa, “Nos ta siña hende con pa trata nos,” y mi mes como hoben e tempo ey no a paga mucho atencion na esaki. Awor cu mi ta mas grandi mi a bin compronde cu hopi di locual hende ta sufri ta enberdad e hende su mes fout ademas di esun cu a causa esaki. E realidad tawata parce doloroso y inhusto.

Pero alabes, bo mester tin speransa ora bo tende e palabranan aki.

Pasobra si esaki ta berdad, si di berdad bo por siña hende con pa tratabo, e ora tin speransa pa un mundo unda tur hende por trata otro cu respet y cu e afecto cu e merece.

Pa tur hende e proceso aki ta diferente. Nan mester siña diferente cos. Un mas comun ta pa siña bisa no. Tin hende mester practica esaki den spiel.

No, bo no por haya mi number di telefoon.

No, mi no lo sali cubo.

No, mi no por keda te laat e siman aki.

No, mi no por yuda bo cu e proyecto.

No, mi no lo hiba un combersacion cubo ora bo ta rabia.

No mester di splicacion. No mester di defensa. No hustificacion pakico mi no tawata por a hasi un cos cu otro tawata kier mi hasi. Djiez simplemente di eherce mi poder pa kies locual ami kier y pa pone un limite pami mes. Laga nos bay awor mas profundo den e topico aki…

E cos mas importante cu bo por acepta encuanto limitenan ta cu nan no ta tocante straf of controla otronan, nan tin e proposito di wordo usa como guia di locual ta y no ta-aceptabel den bo bida. Nan ta yuda bo mantene balansa den bo bida y nan ta proteha bo curpa, mente, emocionnan y tempo for di e peticionan daniño y desagradabel di otronan.

Ora bo falta limitenan fuerte personal bo ta risca debilita bo integridad y respet propio y tambe e respet di otronan. E lo no mester straña bo cu bo lo bay tin e tendencia di atrae hendenan dominante, desconsidera, of necesita den bo bida.

Algun di esakinan ta zona conocir pabo?

Bo ta bisa si maske bo kier realmente bisa no.

Bo ta sinti culpabel ora bo bisa no.

Bo ta actua contra bo balornan fundamental pa mantene paz.

Bo no ta para pa bo mes ora un hende maltratabo.

Bo ta duna demasiado di bo mes djes pa wordo gusta of inclui.

Bo ta permiti hendenan pa bisa of hasi cosnan nabo cu ta hasi bo sinti inconfortabel.

Bo ta spera cu e hendenan mas serca dibo di un of otro manera sa, sin cu abo a bisanan, ora nan a hasi algo pa molestia- of ofendebo.

Lamentablemente, tin hende cu ta evita di pone limitenan y nan tin e creencia ekiboka cu hasi nan mes semper disponibel ta e manera cu nan ta gana e amor y respet di otro. E problema ta cu cada acto di conformidad, sacrificio, of necesidad ta chip e respet cu otronan tin pa nan, den efecto debilitando e cosnan cu nan ta desea mas hopi.

Si bo ta custuma na ahusta y ta sumiso, e proceso di pone y implementa limite por sinti intimidante y no natural na cuminsamento, pero si bo mantene bo mes na dje e ora bo lo sa cu e proceso ta bira mas facil cu tempo y e recompensa ta bale la pena e esfuerzo!

(Ta continua otro siman)

 

- Advertisement -

DUNA COMENTARIO

Please enter your comment!
Please enter your name here