ORANJESTAD (AAN): Diadomingo mainta un dama coriendo un Hyundai sedan color beige cu number A-32875 for di Playa rumbo pa Bubali, na altura di e cruzada cu Caya Punto Brabo, inespera a haya un auto sali su dilanti.
E chofer a core move su stuurwiel un banda, pero debi na su movimento, e auto a bay den scual. El a baha banda robez di caminda, dal fuerte riba un palo di kwihi, bira bek cara pazuid, y por poco a sigui move patras y cay den un Spulado.
Esnan cu a mira e accident a core yama Polis. Agentenan a yega y nota cu e dama a sali ileso. El a bisa si cu el a haya un golpi na su pia, pero e no ta desea di haya asistencia di Ambulans. Kizas riba Dialuna su pia lo lanta hopi stijf si.
E ora ta Road Service a bin pa asina traha rapport di e accident pa Aseguro. E parti dilanti di e vehiculo a kibra bastante.
