Home General Decision pa elimina klem a keda anuncia door di Prome Minister na...

Decision pa elimina klem a keda anuncia door di Prome Minister na comercio di caya grandi

115
0
SHARE
- Advertisement -

Ta un ley cu ya caba Directie Wetgeving a traha riba dje

ORANJESTAD (AAN): Un grupo di comerciante di caya grandi, compaña pa algun politico, a drenta cu hopi desorden den Parlamento pa exigi pa kita klem y tambe pa habri caya back. Prome Minister a atende cu nan riba e situacion y a anuncia na nan cu ta bay kita klem entrante dos di mei. Un decision cu a worde anuncia awe, pero cu ya caba tabata tuma.

Minister President Eman a bisa cu for di momento cu e carteranan a cambia tempo cu Minister Oduber a bandona gobierno, a cuminsa traha riba e tema di kitamento di klem y otro cambionan mas pa loke ta Aruparking.

“Mi a acerca Minister de Meza, kende a tuma e cartera over, pa wak kico por cambia den e maneho di Aruparking pa loke ta pagamento pa parkeer. Esaki sigur pa kita e argumento ey for di riba mesa cu esaki ta causante di e benta abou den caya. Despues mester enfoca riba otro puntonan pa loke ta caya grandi.” Eman a bay un rato back den tempo pa recorda tur hende cu a bin cu parkeermeters despues di un inventarisacion di e propio comercio di caya grandi.

Nan a bisa masha cla cu e problema di benta abou ta cu nan clientenan no ta haya lugar pa para auto. Esaki pasobra esnan cu ta traha ta para nan auto for di tempran strobando e cliente yega caya grandi.

“Gobierno – e tempo ey Minister Oduber – a bin e ora cu e sistema di parkeermeters”, Eman a bisa. Despues cu e maneho aki a worde introduci tabata mustra cu e no ta funciona of porta a bin e sentimento cu e lo ta contraproductivo y no tabatin e resultado cu a spera di dje y esey tabata motibo cu hopi bes Premier Eman a acerca ex Minister Oduber pa flexibilisa e sistema.

“Pa cierto dianan el a coopera y pa cierto oranan, pero no tabatin mucho boluntad pa haci mas cu esey. A haci gastonan di inversion y tambe mester a tene cuenta cu e personal cu ta traha na Aruparking.”

Eman a bisa cu por pensa riba otro formanan pa Aruparking haya entrada y kita toch e aspecto negativo di e klem. “Pa e motibo aki, ya algun luna pasa a dicidi cu ta kita e klem. A pidi Directie Wetgeving pa traha un cambio den e ley unda enbes di pone klem ta manda un boet na cas di e persona cu a para mas largo cu e ta permiti. Wetgeving ta trahando riba dje.”

Durante e manifestacion den Parlamento Prome Minister Eman  bisa cu ta kita e klem indicando asina cu tin oido pa preocupacion di comercio.

 

- Advertisement -

DUNA COMENTARIO

Please enter your comment!
Please enter your name here